10 Bino wafwile bingi nzala kabiji wasakilenga kuja. Byo bakinengezhezhenga kajo, waubile nobe ubena kumona kimwesho+ 11 kabiji wamwene mwiulu saka mwashinkuka ne kintu* kyamwekelenga nobe kisapi kya linenyi kikatampe saka bekikwata ku makonka ana ne kwikikizha pano pa ntanda; 12 kabiji pa kisapi pajinga mitundu yonse ya banyama ba maulu ana, bikalaba panshi ne bañonyi. 13 Kepo aumvwine jiwi na kumwambila’mba: “Petelo, imana wipaye uje!” 14 Bino Petelo waambile’mba: “Ine Nkambo, mambo nkyangye kujapo bintu bya muzhilo ne biji na biko.”+ 15 Kabiji jiwi jamwambijile jibiji amba: “Kileke kutela bintu Lesa byo atokesha amba bya biko.” 16 Kino kyamwekele ja busatu, kabiji ponkapo kino kintu* bekitwajile mwiulu.