22 Yehoba waumvwine misashijilo ya kwa Elaija,+ ne bumi* bwa mwana bwabwelele mwi aye, kabiji wasangukile.*+ 23 Ponkapo Elaija washikwile mwana ne kumwikizha kufuma mu kibamba kya peulu ne kumuleta mu nzubo ne kumupana kwi inanji; kabiji Elaija wamwambijile’mba: “Talai, mwanenu we ke mumi.”+ 24 Ponkapo uno mwanamukazhi waambijile Elaija amba: “Pano po nayuka namba kine mwi muntu wa Lesa,+ ne kuba’mba byambo bya Yehoba bifuma mu kanwa kenu bya kine.”

32 Elisha byo atwelele mu nzubo, wataaine kalombwana walaala pa mwanya wanji saka afwa.+

34 Wakanjijile pa mwanya ne kukuvumana peulu ya mwana ne kukinka kanwa kanji pa kanwa ka kalombwana, ne meso anji pa meso a kalombwana, ne maboko anji pa maboko a kalombwana, ne mubiji wa mwana watendekele kutwa kyuya.+