15 Amiwa nkabika bulwanyi+ pakachi kobe+ ne mwanamukazhi+ ne pakachi ka mwanobe*+ ne mwana* wa mwanamukazhi.+ Aye ukafumpa* mutwe wobe+ ne obewa ukasuma* ku kashiko kanji.”+

18 Ponkapo wibambijile’mba: “Namona Satana wapona kala+ mwiulu nobe kubesha kwa mvula.

44 Anweba mwafuma kwi shenu Diabola, kabiji mukebesha kuba bintu bisaka shenu.+ Aye wajinga mbanzhi byo atatwile*+ kwenda mu mashinda anji atama, kabiji kechi watwajijile kwikala mu bukine ne, mambo bukine kechi buji mwi aye ne. Umvwe waamba bubela, wamba bifuma mu muchima wanji mwine, mambo aye ye wa bubela kabiji ye shanja bubela.+

8 Awa ulengalenga mambo ye wa kwa Diabola, mambo Diabola ulengalenga mambo kufumatu ne ku ntendekelo.*+ O ene mambo, Mwana Lesa o aishijile, kuba’mba onaune mingilo ya kwa Diabola.+

9 Onkao mambo, nsuñunyi mukatampe+ bamutayile panshi, yenka aye muloolo wa kala,+ utelwa’mba Diabola+ kabiji Satana,+ yenka ubena kujimbaika bantu ba pano pa ntanda+ ponse; bamutayile pa ntanda+ ne bamalaika banji bebatayile pamo nanji.