Mika
7 Malwa o ami! Njitu nobe muntu,
Uba inge wapwisha kubungizha bipangwa bya mu kimye kya kisalo
Ne kupupula mo banowa mañanzañanza,
Ubula kutaana kizanze kya mañanzañanza a kuja,
Nangwa jikuyu jitanshi jo nkeba.*
Bonsetu babelamina ne kukeba kwichila mashi.+
Muntu yense ukeba kukwata mulongo wanji na bukonde bukatampe.
3 Maboko abo aji na busendwe bwa kuba byatama;+
Kinemanga ukeba bintu,
Mutonyi ukeba kumufweta,+
Muntu waya nkuwa wamba bintu byo akeba,*+
Kabiji bengijila pamo pa kwibyuba.*
4 Muntu wabo wawama uji nobe miba,
Muntu wabo waoloka watama bingi kukila luvimba wa miba.
Juba ja bakasopa benu ne ja kwimuvuluka jikeya.+
Kabiji bakakamwa.+
5 Kange uketekele mukwenu
Nangwa kuketekela mulunda nobe wa pa muchima ne.+
Kabiji wafwainwa kujimuka na byo wamba ku yewa ulaala mu kyaji kyobe.
6 Mambo mwana wa mulume ulengulula bashanji,
Mwana wa mukazhi usatukila bainanji,+
Ne mulokazhi usatukila bako banji ba bakazhi;+
Balwanyi ba muntu ke bonka ba mu nzubo yanji.+
7 Pakuba amiwa nkatalanga kwi Yehoba.+
Nkapembelelanga* Lesa wa lupulukilo lwami.+
Lesa wami ukañumvwa.+
8 Obewa mulwanyi* wami, kange usekele pe amiwa ne.
Nangwa napona, nkabuukapo;
Nangwa naikala mu mfishi, Yehoba ukekala kyeya kyami.
9 Nkachinchika bukaji bwa Yehoba
—Mambo namulenga mambo+—
Kufikatu ne byo akamba mambo ami ne kunchibila mambo mu bololoke.
Ukandeta mu kyeya;
Nkatala pa bololoke bwanji.
10 Mulwanyi wami naye ukamona,
Kabiji bumvu bukamuvweta awa wañambijile’mba:
“Yehoba Lesa obe uji pi?”+
Meso ami akatala mulwanyi wami.
Kabiji bakamunyantaula nobe mateshi a mu mikwakwa.
11 Jikekala juba ja kushimikilamo masakwa obe a mabwe;
Pa joja juba mupaka bakamubayishako.*
12 Pa joja juba bakeya kwi obewa
Kufuma ku Asilya ne ku mizhi ya ku Ijipita,
Kufuma ku Ijipita kufika ku Mukola;*
Kufuma ku kalunga ka mema kukafika ku kalunga ka mema kakwabo, ne kufuma ku mutumba kukafika ku mutumba mukwabo.+
13 Ne kyalo kikashalatu masala na mambo a bangikazhi bakyo,
Ne na mambo a kintu kyo bauba.*
14 Funga bantu bobe na kamama kobe, jo jitanga ja buswanyi bobe,+
Awa waikelenga bunke mu jisaka—mukachi ka bujimi bwa bipangwa.
Bajenga mu Bashana ne mu Gileada+ byonka byo kyajinga mu moba a kala.
15 “Byonka byo kyajinga mu moba o wafumine mu kyalo kya Ijipita,
Nkakumwesha bintu byawama.+
16 Bisaka bya bantu bikamona kabiji bikomvwa bumvu nangwa kya kuba biji na bulume.+
Bakabika maboko abo pa tunwa twabo;
Matwi abo akashinka.
17 Bakamyanga lukungu nobe miloolo;+
Bakalupukanga mu mapunzha abo akosa saka bazakama nobe bikalaba panshi bya pa ntanda.
Bakeya kwi Yehoba Lesa wetu saka baji na moyo,
Kabiji bakemwakamwanga.”+
18 Ñanyi Lesa uji nobe anweba,
Ulekela mambo ne kulubako ku mizhilulwila+ ya bashalapo ba mu buswanyi bwanji?+
Ubula kuzhingila kikupu,
Mambo usekela mu butemwe bubula kwaluka.+
19 Uketubila lusa jikwabo;+ ukashinda* bubi bwetu.
Ukataya bubi bwetu bonse mwine mwazhika mu kalunga ka mema.+
20 Mukamwesha bukishinka kwi Yakoba,
Ne butemwe bubula kwaluka kwi Abalahama,
Byonkatu byo mwachipile ku bashakulu betu mu moba a kala.+