Yelemiya
50 Yehoba waambijile ngauzhi Yelemiya pa mambo a Babilona+ ne kyalo kya bena Kalodeya amba:
2 “Sapwila ku bisaka bya bantu ne kutaya mbila.
Imika kiyukilo* ne kutaya mbila.
Kange ufyepo kintu nangwa kimo ne!
Wambe’mba, ‘Babilona bamushinda.+
Beli bamulengesha bumvu.+
Melodaka bamumvwisha moyo.
Bipashañano byanji bebilengesha bumvu.
Ne bankishi* banji ba bunya bebomvwisha moyo.’
3 Mambo bamulukuka ku kisaka kya bantu kya ku kabeta ka ku buyeke.+
Kyalengela kyalo kyanji kwikala kintu kilengesha moyo;
Kafwako muntu nangwa umo ubena kwikalamo ne.
Bantu ne banyama bonse banyemamo;
Baya.”
4 Yehoba waamba’mba, “Mu oa moba ne pa kyokya kimye, bena Isalela ne bena Yuda bakakwatankana.+ Bakayanga saka bajila+ kabiji bonse bakakeba Yehoba Lesa wabo.+ 5 Bakepuzha jishinda jaya ku Ziona saka batala konka+ ne kwamba’mba, ‘Twayai twinunge kwi Yehoba mu lulayañano lwa myaka lo tukabula kuvulama.’+ 6 Bantu bami baikala nobe mikooko yalubilamo.+ Bebatwajile mungi ku bakafunga babo.+ Bebatwajile pa mitumba, kupitañana kufuma pa mutumba kuya pa katumbatumba. Balubamo mpunzha yabo ya kukokolokelamo. 7 Bebepaya ku boba bonse bebataana+ kabiji balwanyi babo bamba’mba, ‘Kechi tuji na mambo ne, mambo bamulengele mambo Yehoba, yenka wa bololoke kabiji yenka waketekejilemo bashakulu babo, aye Yehoba.’”
8 “Nyemaimo mu Babilona,
Fumaimo mu kyalo kya bena Kalodeya,+
Ne kwikala nobe banyama babena kutangijila jitanga jonse.
9 Mambo amiwa mbena kuletela Babilona
Jibumba ja bisaka bikatampe bya bantu kufuma ku kyalo kya ku kabeta ka ku buyeke.+
Bakeya na kulwa nanji saka betanchika;
Bakamushinda.
10 Bakangata Kalodeya.+
Aba bonse bakamwangata bakatemwa bingi,”+ byo byaamba Yehoba.
Mambo mwakilaukilenga nobe mwana ñombe uji mu nsono,
Kabiji mwajijilenga nobe bambili balume.
12 Inenu bamulengesha bumvu.+
Awa wimusemene kyamulenga bumvu.
Umvwai! Aye ye wakepelapo pa bisaka byonse bya bantu,
Ye kiselebwa kabiji kisanzangala kyabulamo mema.+
Muntu yense ukapitanga mu Babilona, ukakankamanatu
Ne kwita mulozhi na mambo a bya malwa byonse bikamumwekela.+
14 Anweba bonse mubena kuvwemuna* buta bwa mukanda,
Iyai kufuma konse konse mulwe na Babilona saka mwitanchika.
15 Bijikai mbila ya nkondo pe aye konse konse.
Aye wazumba.*
Shinkanyai nanji.
Mubai byonka byo auba.+
16 Fumyai mu Babilona awa ubyala nkunwa
Ne yewa wingijisha kikwakwa kimye kya kunowa.+
Na mambo a mpoko, yense ukabwela ku balongo banji,
Yense ukanyemena ku kyalo kyanji.+
17 “Bena Isalela yo mikooko yapalañenamo.+ Bebapalañanya ku mabokwe.+ Patanshitu, mfumu wa Asilya wibepayile;+ kabiji Nebukaneza Mfumu wa Babilona wakokotele bikupa byabo.+ 18 Onkao mambo, Yehoba wa mabumba, Lesa wa Isalela waamba’mba: ‘Amiwa nkakambula mfumu wa Babilona ne kyalo kyanji byonkatu byo nakambwile mfumu wa Asilya.+ 19 Kabiji nkabwezha Isalela mu mpunzha yanji ya kujiilamo,+ ukajiilanga mu Kamela ne mu Bashala,+ kabiji pa mitumba ya Efelaimu+ ne Gileada+ aye* po po akekuchila.’”
20 Yehoba waamba’mba, “Mu oa moba kabiji pa kyokya kimye,
Bakakebakeba mambo a Isalela,
Bino kechi bakeataana ne,
Ne mambo a kwa Yuda kechi bakeataana ne,
Mambo nkalekelako mambo boba bo nabujile kwipaya.”+
21 Yehoba waamba’mba, “Yanga ukalukuke kyalo kya Melata ne bangikazhi ba mu Pekoda.+
Ukebepaye ne kwibonaunatu bonse.
Ube byonse byo nakukambizha.
22 Mu kyalo mwaumvwanyika kiwowo kya nkondo,
Muji malwa akatampe.
23 Sando wonauna bisaka bya bantu bya pano pa ntanda ponse bamuchimauna ne kumulalaula!+
Babilona waaluka ke kintu kilengesha bisaka bya bantu moyo!+
24 Obewa Babilona, nakutele kitewa kabiji wafwilemo,
Kechi wayukile ne.
Bakutaaine ne kukukwata,+
Mambo wasatukijile Yehoba.
25 Yehoba washinkula nzubo yanji mo alamina bintu,
Kabiji wafumyamo byela bya nkondo bya kumwesheshamo bukaji bwanji.+
Mambo Nkambo Mfumu, Yehoba wa mabumba uji na mwingilo wa kuba
Mu kyalo kya bena Kalodeya.
26 Yainga mumulukuke kufuma ku mapunzha a kwalepa.+
Shinkulai matala ajimo.+
Mulumbikai nobe milumba ya kajo.
Monaunaitu yense pelu.+
Kange mushemo muntu nangwa umo ne.
27 Ipayai baana ba bañombe bonse bajimo;+
Batwalai kwa kwibepayila.
Malwa abo, mambo juba jabo jafika,
Ko kuba’mba kimye kyabo kya kwibakambwilamo!
28 Kubena kumvwanyika kiwowo kya boba babena kunyema,
Kya boba babena kunyema kufuma ku kyalo kya Babilona,
Kuba’mba bakataye mbila ya kushinkanya kwa Yehoba Lesa wetu mu Ziona,
Kushinkanya na mambo a nzubo yanji.+
29 Ambilai bataya miketo kuya na kulukuka Babilona,+
Anweba bonse mubena kuvwemuna* buta bwa mukanda.
Muzhokolokai; kange muleke muntu nangwa umo anyeme ne.
Mubilai monka mwayila byubilo byanji.+
Mubai byonka byo aubile.+
Mambo aye wauba bintu bya bwitote kwi Yehoba,
Kwi aye Wazhila wa Isalela.+
30 Onkao mambo, bansongwalume banji bakafwila mu mabanza anji,+
Kabiji mu joja juba bashilikale banji bonse bakafwa,”* byo byaamba Yehoba.
31 Nkambo Mfumu, Yehoba wa mabumba waamba’mba, “Obewa witota,+ umvwa! Amiwa nakuzhingijila,+
Mambo juba ne kimye kyo nkakuzhachishishamo kyafika.
32 Obewa witota, uketuntula ne kupona,
Kafwako muntu nangwa umo ukakubushapo ne.+
Kabiji nkabamba mujilo mu mizhi yobe,
Kabiji mujilo ukasoka bintu byonse byakuzhokoloka.”
33 Yehoba wa mabumba waamba’mba:
“Bena Isalela ne bena Yuda babena kwibamanyika,
Kabiji aba bonse babena kwibatwala mu buzha, bebakakachila.+
Bakana kwibaleka kuba’mba bayenga.+
34 Pano bino, Mukuzhi wabo wakosa.+
Jizhina janji Yehoba wa mabumba.+
Kine, aye ukebachibila mambo abo monka mo kyayila,+
Pa kuba’mba akalete mutende mu kyalo+
Ne kuzhingijila bekala mu Babilona.”+
35 Yehoba waamba’mba, “Mpoko yaiya pa bena Kalodeya,
Pa bena Babilona, pa babinemanga bajimo ne pa bantu banji ba maana.+
36 Mpoko yaiya pa bantu bamba bintu byatutu,* kabiji bakoba bintu byabula maana.
Mpoko yaiya pa babiyangala bajimo, ne abo bakomvwa moyo.+
37 Mpoko yaiya pa bambili babo ne pa makalaki abo a nkondo,
Ne pa bantu bonse bapusana pusana bekalamo,
Kabiji bakekala nobe banabakazhi.+
Mpoko yaiya pa bintu byanji bya buneme, kabiji bakebisenda.+
38 Mema ajimo beonauna, kabiji akooma.+
Mambo kyo kyalo muji bipashañano bya kusonga,+
Kabiji bantu babena kuba bintu nobe bakonye na mambo a bimwesho byabo bilengesha moyo.
39 Onkao mambo, bilengwa bikala mu kiselebwa bikekala pamo na banyama bajila nobe mingolwe,
Kabiji bañonyi batelwa’mba baosetelechi bakekalanga monka.+
Kechi mukekalapo muntu jibiji ne,
Kabiji kechi ikekala mpunzha mukekalanga bantu jibiji ne.”+
40 “Byonkatu byo aonawine mizhi ya Sodoma ne Gomola+ ne mizhi yo batentakene nayo,”+ byo byaamba Yehoba, “byonkabyo ne mu yewa muzhi kafwako nangwa umo ukekalamo ne. Kabiji kafwako muntu nangwa umo ukashalamo ne.+
41 Umvwai! Bantu babena kwiya kufuma ku kabeta ka ku buyeke;
Kisaka kya bantu kikatampe ne bamfumu bakatampe+ bakebaleta
Kufuma ku mapunzha a kwalepa a pano pa ntanda.+
42 Basenda mata a mikanda ne mafumo.+
Abo bakanama bingi kabiji kechi baji na lusa ne.+
Mawi abo abena kumvwanyika nobe mpoota ya pa kalunga ka mema,+
Byo babena kwenda pa bambili babo.
Baumvwañana ne kwitanchika kuba’mba balwe ne obewa, obewa mwana wa mukazhi Babilona.+
Bya malwa byamufikila,
Ne misongo yamukwata nobe mwanamukazhi ubena kupaapa.
44 “Umvwai! Muntu umo ukasoloka nobe bokwe kufuma mu jivunda ja ku Yodano kwiya mu mpunzha yawama mujiila banyama, kabiji mu kakimyetu kacheche amiwa nkebalengela kunyemamo. Kabiji nkasala muntu wa kwiilama mpunzha.+ Ñanyi waesakana pamo ne amiwa, kabiji ñanyi wakonsha kunkanya kuba kintu? Ñanyi kafunga wakonsha kuñimena?+ 45 Onkao mambo, anweba bantu, umvwai bintu byafuukula Yehoba pa muzhi wa Babilona+ ne bintu byo akeba kuba kyalo kya bena Kalodeya.
Kine, baana ba mikooko bakebakulumunamo.
Aye ukalengela mpunzha mo bekala kushalatu masala na mambo a abo.+
46 Kiwowo kya kushinda Babilona byo kikomvwanyika, ntanda ikatenkena,
Kabiji miteto yabo ikomvwanyika mu bisaka bya bantu.”+