Buku Mutanshi wa Byambo bya Moba
16 Byonkabyo, baletele Jikwachi ja Lesa wa kine ne kwijibika mu tente Davida ye ejipopejile;+ kabiji balambwile milambo ya kusoka ne bitapisho bya mutende kwi Lesa wa kine.+ 2 Davida byo apwishishe kulambula milambo ya kusoka+ ne bitapisho bya mutende,+ wapesheshe bantu mu jizhina ja Yehoba. 3 Kabiji bena Isalela bonse, mwanamulume ne mwanamukazhi, wibapele au shinkwa wanzhingwile, au shinkwa wanzhingwile, bashinkwa bo balengele na bisonga ne bashinkwa bo balengele na mañanzañanza auma. 4 Kepo atongwele bena Levi bamo ba kwingijila ku Jikwachi ja Yehoba+ kuba’mba banemekenga,* basantenga ne kutota Yehoba Lesa wa Isalela. 5 Asafwa+ ye wajinga mukulumpe, ne wa kibiji kwi aye wajinga Zekaliya; ne Yeyela, Shemilamota, Yehiela, Matitiya, Eliaba, Benaya, Obeda-edomu ne Yeyela+ bajizhizhenga bijimba bya mizhinge ne byansa;+ kabiji Asafwa wajizhizhenga nsonsolo,+ 6 kabiji bañanga abo ba Benaya ne Yahaziela bajizhizhengatu matolompita kulutwe ya jikwachi ja lulayañano lwa Lesa wa kine.
7 Pa jonkaja juba, kyo kyajinga kimye kitanshi Davida kyo anembele lwimbo wa kutota Yehoba ne kwambila Asafwa+ ne balongo banji kumwimba’mba:
10 Itotelai mu jizhina janji jazhila.+
Michima ya boba bakeba Yehoba isangalale.+
11 Kebainga Yehoba+ ne bulume bwanji.
Kebainga kilungi kyanji kimye kyonse.+
12 Vulukai mingilo ya kukumya yo auba,+
Bya kukumya byanji ne mizhilo yanji yo aamba,
13 Anweba baana* ba kwa Isalela kalume wanji,+
Anweba baana ba kwa Yakoba, bantu banji bo asala.+
14 Aye ye Yehoba Lesa wetu.+
Mizhilo yanji yakumbana ntanda yonse.+
15 Vulukainga lulayañano lwanji myaka ne myaka,
Mulaye ye alayile* bisemi kiumbi,+
16 Lulayañano lo alayañene ne Abalahama,+
Ne luchipo lo achipile kwi Izaka,+
17 Lo aalwile ke mukambizho kwi Yakoba+
Kabiji lulayañano lwa myaka kwi Isalela,
18 Ne kwamba’mba, ‘Nkakupa kyalo kya Kenana+
Kwikala ke buswanyi bobe.’+
19 Kino kyamwekele kimye kyo mwajingatu bacheche,
Ee kine, mwajingatu bacheche, kabiji mwajinga benyi mu kyalo.+
20 Bapitañenenga kufuma ku kisaka kimo kuya ku kisaka kikwabo,
Kufuma ku bufumu bumo kuya ku mutundu wa bantu mukwabo.+
21 Kechi waswishishe muntu nangwa umo kwibamanyika ne,+
Bino na mambo a abo wakajipijile bamfumu,+
22 Ne kwamba’mba, ‘Kange mukwate pa bashingwa bami ne,
Kabiji bangauzhi bami kange mwibobe kintu kyatama ne.’+
23 Mwimbilai Yehoba, anweba bonse ba pano pa ntanda!
Bijikainga lupulukilo lwanji pa juba pa juba!+
24 Ambainga pa lukumo lwanji ku bisaka bya bantu,
Ne pa mingilo yanji ya kukumya ku mitundu ya bantu bonse.
25 Mambo Yehoba ye mukatampe kabiji wafwainwa kutotwa.
Aye ulengesha bingi moyo kukila balesa bonse.+
28 Mupai Yehoba bintu byamufwainwa, anweba mitundu ya bantu,
Mupai Yehoba bintu byamufwainwa na mambo a lukumo lwanji ne bulume bwanji.+
Mufukaminai* Yehoba mu bivwalo byawama byazhila.*+
30 Zakamai ku meso anji, anweba bonse ba pano pa ntanda!
Ntanda* yaikajikwa; kechi bakonsha kwiifumyapo* ne.+
31 Bya mwiulu bisangalale, ne ntanda isekele;+
Bulai bisaka bya bantu amba: ‘Yehoba waikala ke Mfumu!’+
32 Kalunga ka mema kapoote ne byonse bijimo;
Mungye ne byonse bijimo bisekele.
33 Kabiji pa kimye kimotu ne bichi bya mungye bibijike na lusekelo kwi Yehoba,
Mambo ubena kwiya* na kuchibila mambo ntanda.
35 Kabiji ambai’mba, ‘Tupulushai, anweba Lesa wa lupulukilo lwetu,+
Tukonkanyai ne kwitupokolola ku bisaka bya bantu,
Pa kuba’mba tusanchilenga jizhina jenu jazhila+
Ne kusangalela mu kwimutota.+
36 Yehoba, Lesa wa Isalela atotwe
Myaka ne myaka.’”
Ne bantu bonse baambile’mba, “Amena!”* kabiji batotele Yehoba.
37 Kepo Davida ashile Asafwa+ ne balongo banji konkakwa ku jikwachi ja lulayañano lwa Yehoba kuba’mba bengijilenga ku Jikwachi kimye kyonse,+ monka mwayijile mwingilo wa pa juba pa juba.+ 38 Obeda-edomu ne balongo banji bajinga 68, ne Obeda-edomu, mwana wa kwa Yedutuna, ne Hosa bajinga bakalama ba kibelo; 39 kabiji Zadoka+ ñanga ne bañanga bakwabo, bajinga kulutwe ya tente wa lusambakeno wa Yehoba pa mpunzha yatuntama mu Gibeona+ 40 kuba’mba balambulenga milambo ya kusoka kwi Yehoba kimye kyonse pa kya kusokelapo milambo ya kusoka, lukelo ne mabanga, ne kuba bintu byonse byanembwa mu Mizhilo ya Yehoba yo akambizhe bena Isalela.+ 41 Abo bajinga ne Hemanyi ne Yedutuna+ ne bantu bonse bashala bo basajile bo batongwele mazhina kuba’mba basanchilenga Yehoba,+ mambo “butemwe bwanji bubula kwaluka bo bwa myaka ne myaka”;+ 42 kabiji bajinga ne Hemanyi+ ne Yedutuna kuba’mba bavumyenga matolompita, nsonsolo ne byombesha byo baingijishenga kutotelamo* Lesa wa kine; kabiji baana ba kwa Yedutuna+ bajinga ku kibelo. 43 Kepo bantu bonse bayile ku mazubo abo, ne Davida naye wayile na kupesha ba mu nzubo yanji.