Masalamo
74 Anweba Lesa, mambo ka o mwitukaina kikupu?+
Mambo ka o mwijizhingijila jitanga jenu jo mujiisha?+
Vulukai Mutumba wa Ziona, mo mwikala.+
3 Endai muye ku bishimikwa byapumauka bya kala.+
Mulwanyi waonauna bintu byonse bya mu mpunzha yazhila.+
4 Balwanyi benu babijikilenga mu kipwilo* kyenu.+
Baimika mabandela abo kwikala biyukilo monkamwa.
5 Bajinga nobe bantu babena kutema jivunda na tupasa.
6 Bintu byonse bya kusonga byajingamo+ bebitetawile na tupasa ne kwibilalaula na mipingilo ya byela.
7 Basokele nzubo yenu yazhila na mujilo.+
Bazhilulwile tente wa lusambakeno mwajinga jizhina jenu ne kumupalañenya panshi.
8 Abo ne baana babo bamba mu michima yabo amba:
“Bipwilo byonse bya Lesa* biji mu kyalo bafwainwa kwibisoka.”
9 Kafwako biyukilo bya kuba’mba tumone ne;
Kafwako ngauzhi nangwa umo,
Kabiji mwi atweba kafwako nangwa umo wayuka kimye kikapwa kino kintu ne.
10 Anweba Lesa, bimye binga mulwanyi byo akemwendelekanga?+
Nanchi mulwanyi ukapelulanga jizhina jenu myaka ne myaka nyi?+
11 Mambo ka o mwabwezhezha kuboko kwenu, kuboko kwenu kwa kilujo?+
Kufumyai mu kyaji* kyenu ne kwibepaya.
12 Bino Lesa ye Mfumu wami kufumatu ne kala,
Yenka uba mingilo ya lupulukilo pano pa ntanda.+
13 Mwavundankenye kalunga ka mema na bulume bwenu;+
Mwalalawijile mu mema mitwe ya bilengwa bikatampe bya mu kalunga ka mema.
16 Mute ne bufuku byo byenu.
Mwalengele kyeya ne juba.+
18 Anweba Yehoba, vulukai myendeleko ya mulwanyi,
Ne bantu bakosama byo bapelula jizhina jenu.+
19 Kange mupane bumi* bwa katela kenu ku banyama bakaji ba mungye ne.
Kange muvulame kikupu bumi bwa bantu benu bo bamanyika ne.
20 Vulukai lulayañano lwenu,
Mambo mapunzha a mfishi a pano pa ntanda ayula na bukapondo.
21 Awa ye banyantaula kange abweleko saka kyamulenga bumvu ne;+
Balanda ne bayanji batotenga jizhina jenu.+
22 Anweba Lesa, imanai muchibe mambo.
Vulukai bantu bakosama byo bemwendeleka kimye kyonse.+
23 Kange muvulame bibena kwamba balwanyi benu ne.
Kiwowo kya boba bemulengulula kibena kuyilakotu peulu.