Yoba
21 Yoba wakumbwile’mba:
2 “Telekeshai ku byo nsakwamba;
Aluno lo lutekenesho lo musakuntekenesha.
3 Muntekenye byo nsakwambanga;
Byo nsakupwisha kwamba, po po musakutatula kuñendeleka.+
4 Nanchi mbena kwijizhanya ku muntu nyi?
Inge kyajinga byobyo, nanchi amiwa* inge kechi naleka kwamba nenyi?
5 Ntalai ne kukankamana;
Bikai kuboko kwenu pa kanwa kenu.
6 Umvwe nalanguluka pa kino, kibena kumpezha maana,
Ne mubiji wami yense ubena kuzakama.
8 Bekala na baana babo kimye kyonse,
Ne kumona ba mu kisemi kyabo.
9 Mazubo abo azhikijilwa ku bintu bileta moyo,+
Kabiji Lesa kechi wibakabisha na kamama kanji ne.
10 Bañombe babo balume basemesha kwa kubula lukatazho;
Ne bañombe babo bakazhi basema kabiji kechi bapulumuna ne.
11 Baana babo ba balume bakayila pangye byonkatu byuba jitanga,
Kabiji baana babo bakilauka.
14 Pakuba bambila Lesa wa kine amba, ‘Tulekai bunke bwetu!
Kechi tukeba kuyuka mashinda enu ne.+
15 Nanchi wa Bulume Bonse ye ñanyi, kya kuba’mba tumwingijilenga?+
Kabiji twakonsha kumwenamo ka mu kumuyuka?’+
16 Bino nayuka namba kechi baji na bulume bwa kuzhikijila bunonshi bwabo ne.+
Amiwa kechi ñumvwañana na babi ne.+
17 Nanchi lampi wa babi bamuzhimya bimye binga?+
Bimye binga bya malwa byo bibafikila?
Bimye binga Lesa byo aleta lonaiko pe abo mu bukaji bwanji?
18 Nanchi kechi bekala nobe nsono yauma yo bolulula ku mwela
Nangwa nobe muungu ye bolulula ku luvula mukatampe nenyi?
19 Lukabisho lwa muntu mubi, Lesa ukelulamina baana banji.
Bino Lesa amulubwile kuba’mba eluyuke.+
20 Meso anji mubi akamona lonaiko lwanji,
Aye mwine ukatoma bukaji bwa wa Bulume Bonse.+
21 Nanchi aye utako muchima ku kikamwekela ba mu nzubo yanji bakamulondela panyuma
22 Nanchi paji wakonsha kufunjisha Lesa*+ maana,
Byo kiji kuba’mba aye ye uchibila mambo nangwatu babineme nyi?+
23 Muntu ufwa saka akiji na bulume bwanji bonse+
Saka aikala mu mutende kwa kubula makatazho,+
24 Bijoma byanji saka byanuna
Ne bikupa byanji saka byakosa.*
25 Pakuba muntu mukwabo ufwa saka aji na bulanda* bukatampe,
Kwa kubula kutompapo pa bintu byawama.
27 Umvwai! Amiwa nayukishatu bulongo byo mubena kulanguluka
28 Mambo anweba mushikisha’mba, ‘Nanchi nzubo ya kinemanga iji kwepi?
Kabiji tente mwaikalanga mubi uji kwepi?’+
29 Nanchi kechi mwashikisha bakañenda nenyi?
Nanchi kechi mulangulukishapo pa bintu* bimona bakañenda,
30 Amba muntu watama bamushapo pa juba ja bya malwa
Ne kumupokolola pa juba ja bukaji nenyi?
31 Ñanyi ukamwambila pa mambo a mashinda anji,
Kabiji ñanyi ukamufweta pa bintu byo auba?
32 Byo bakamutwala ku kilende,
Pakekala wa kusopa kilende kyanji.
33 Maloba a mu kimpachiko* akatobala kwi aye,+
Byonka biji bantu bakukankalwa kubala baji kulutwe yanji.
34 Mambo ka o mubena kuntekeneshesha na lutekenesho lwatutu?+
Mu byo mubena kwamba, mujitu bujimbijimbi bonka!”