Masalamo
Kwi ntangi. Lwimbo, wimba pa “Kange Muñonaune Ne.” Salamo wa Asafwa.+ Lwimbo.
75 Twimusanchila anweba Lesa, twimusanchila;
Jizhina jenu jiji ne atweba,+
Ne bantu bamba pa mingilo yenu ya kukumya.
2 Mwamba’mba: “Inge natongola kimye,
Nchibila mambo monka mo aolokela.
3 Ntanda ne bonse bekalamo byo basungulukile,
Yami nakwachile mashiki ayo kuba’mba akose.” (Selah)
4 Ñambila betota namba, “Kange mwitotenga ne,”
Ne babi nebambila namba, “Kange mwitumbijikenga amba muji na bulume* ne.
6 Mambo kutumbijikwa kechi kufuma
Ku musela nangwa ku muzhika nangwatu ku kabeta ka ku bulenge ne.
7 Mambo Lesa ye Mutonyi.+
Aye upelula muntu umo ne kutumbijikako mukwabo.+
8 Mu kuboko kwa Yehoba muji katomeno;+
Binyu bibena kuba kapofu kabiji byavwangakana bulongo.
Kine ukebitulula,
Ne babi bonse baji pano pa ntanda bakebitoma, kutomena kumo ne bishipwa.”+
9 Pakuba amiwa nkekyambanga myaka ne myaka;
Nkembanga nyimbo ya kutota Lesa wa Yakoba.