Masalamo
Wa kwa ntangi. Salamo wa baana ba kwa Kola.+ Lwimbo.
85 Anweba Yehoba, mwaubila bibusa kyalo kyenu;+
Mwabwezhezhe ba mu kisemi kya kwa Yakoba bo batwajile mu buzha.+
3 Mwabwezhezhemo bukaji bwenu bonse;
Mwalubileko ku bukaji bwenu bukatampe.+
5 Nanchi muketuzhingijilatu kikupu nyi?+
Nanchi bukaji bwenu bukafika ne ku bisemi byonse bya kulutwe nyi?
6 Nanchi kechi muketulengela kwikala byonka byo twajinga kala
Pa kuba’mba bantu benu bakasangalele mwi anweba nenyi?+
7 Anweba Yehoba, tumweshai butemwe bwenu bubula kwaluka,+
Ne kwitupulusha.
8 Nkateleka ku bikamba Lesa wa kine aye Yehoba,
Mambo ukamba bintu bya mutende ku bantu banji,+ ku bantu banji ba kishinka,
Bino kange mwibaleke bakizhemo kwiketekela ne.+
9 Kine katatakatu apulushe boba bamwakamwa,+
Kuba’mba lukumo lwanji lwikale mu kyalo kyetu.
10 Butemwe bubula kwaluka ne bukishinka bikasambakana;
Bololoke ne mutende bikefyompa.+
11 Bukishinka bukasapuka pano pa ntanda,
Ne bololoke bukeya panshi kufuma mwiulu.+
13 Bololoke bukatangilako kulutwe yanji+
Ne kulenga jishinda ja maulu anji.