Masalamo
Kwi ntangi; wimba’mba, “Kange Muñonaune Ne.” Salamo wa Davida. Mikitama.*
58 Nanchi mwakonsha kwamba pa bololoke umvwe mwazhindamatu nzoo nyi?+
Anweba baana ba bantu, nanchi mwakonsha kuchiba mambo mo aolokela nyi?+
3 Bantu babi baya mungi* kufumatu pa kusemwa;*
Basenduka mu jishinda, bo ba bubela kufumatu pa kusemwa.
5 Kechi uteleka ku jiwi ja bapanda manga ne,
Nangwa bwanga bwabo bushinte byepi.
6 Anweba Lesa, mokaulai meno a mu tunwa twabo!
Anweba Yehoba, mokaulai mibanga ya bano ba mabokwe!*
7 Bazhimañane nobe mema auma.
Avwemune buta bwanji bwa mukanda ne kwibaponesha na miketo yanji.
8 Bekale nobe kolokofwa usunguluka pa kwenda;
Bekale nobe kafuunga kabula kumona juba.
9 Mapuki obe saka akyangye kumvwa kyuya kya kichi kya miba kibena kupya,
Lesa ukapalañanya misampi yatalala ne ibena kupya byonka byuba kinkunkwila.+
10 Muntu waoloka ukasekela pa kumona babi byo bakashinkanya nabo;+
Maulu anji akazoba na mashi a babi.+
11 Kepo bantu bakamba’mba: “Kine, muntu waoloka uji na mfweto.+
Kine, kuji Lesa uchiba mambo pano pa ntanda.”+