Yoba
24 “Mambo ka wa Bulume Bonse o abujila kutongwela kimye?+
Mambo ka aba bamuyuka o babujila kuyuka juba janji ja lukabisho?
2 Bantu batuntulula mipaka;+
Bangata matanga kuba’mba ekale abo.
3 Basenda mbongolo wa baana babula bashabo
Ne kwangata ñombe wa mwanamukazhi wafwilwa kumupana ku nkongole.*+
4 Muntu muyanji bamushinjika kufuma mu jishinda;
Ne bantu babula wa kwibakwasha baji pano pa ntanda bafyama.+
5 Bayanji bapitañana na kukeba kajo byonkatu byuba bambongolo ba mungye+ mu kiselebwa;
Bakebela baana babo kajo mu kiselebwa.
6 Bafwainwa kunowa mu bujimi bwa muntu ungi
Ne kupupula kajo mu bujimi bwa miñanzañanza bwa muntu mubi.
7 Bufuku bonse balaalatu butuntu, kwa kubula bivwalo;+
Kechi baji na bya kwivweta kimye kya mashika ne.
8 Banokwa na mvula wa ku mutumba;
Balamachila ku mabwe na mambo a kubula mwa kwikala.
9 Mwana wabula bashanji bamufumya ku jibele ja inanji;+
Kabiji bangata bivwalo bya muyanji ne kwibipana ku nkongole.+
10 Bebakanjikizha kwenda matakotu, kwa kubula bivwalo,
Ne kutunta bikuta bya kajo na nzala.
11 Bengila mu mute wazonga ku mishiime yo bashimika nobe milaala;*
Ne kunyantaula mu bya kufiinamo mañanzañanza, pano bino bafwa kilaka.+
12 Bantu baji pepi kufwa batwajijilatu na kubinza mu muzhi;
Aba bo bakozha* bajila na kukeba bukwasho,+
Pakuba Lesa kechi umona kino amba kyatama* ne.
14 Mbanzhi ubuuka ku makya;
Wipaya muntu wabula wa kumukwasha ne muyanji,+
Kabiji bufuku uya na kwiba.
Kabiji uvweta kilungi kyanji.
16 Bufuku balala* mazubo;
Kabiji mute beshinkila mu mazubo.
Abo bashikwa kyeya.+
17 Mambo kwi abo lukelo lujitu nobe mfishi ikatampe;
Bapijilwa na bintu bileta moyo bya mu mfishi ikatampe.
18 Bino bebakumpulatu na mema.*
Mpunzha yabo ikafingwa.+
Kechi bakabwela ku bujimi bwabo bwa miñanzañanza ne.
19 Byonkatu kyashi ne kyuya byo bisungulula ne kumisha mema achimba,
20 Bainanji* bakamulubako; ne mapila akamuja.
Kechi bakamuvuluka jibiji ne.+
Kabiji wabula koloka ukachimuka nobe kichi.
21 Umanyika ñumba,
Ne kuyanjisha mwanamukazhi wafwilwa.
22 Lesa* ukengijisha bulume bwanji konauna babilobo;
Nangwa kya kuba bakatumbalale, kechi bakekala na bumi ne.
24 Kutumbalala kwabo kwa kakimyetu kacheche, kabiji bazhimañana.+
Bebapelula+ kabiji bafwatu byonka bifwa bantu bonse;
Bebachiba nobe mitwe ya kajo.
25 Pano ñanyi wakonsha kunshiina’mba amiwa ne wa bubela
Nangwa kukana byambo byami?”