Yona
2 Kepo Yona alombele kwi Yehoba Lesa wanji monka munda mwa jisabi,+ 2 kabiji waambile’mba:
“Mu lumanamo lwami namwichile Yehoba, ne aye wankumbwile.+
Panshi pene* mu Kilende* najijile namba nkwashai.+
Anweba mwaumvwine jiwi jami.
3 Byo mwantayile mwine mwazhika, mwine mukachi ka kalunga ka mema,
Kabiji mema anzhokolokele.+
Manyaki enu akatampe onse ankumpwile.+
4 Kabiji naambile namba, ‘Bamfumyako ku meso enu!
Pano nkeimona byepi jibiji nzubo yenu yazhila?’
5 Mema anzhokolokele kabiji asaka akangipaye;+
Mema avula anshinkijile.
Ndeleba yampombakene ku mutwe.
6 Natwelele panshi ya mitumba.
Mipingilo ya ntanda yanshinkijile kikupu.
Bino mwafumishe bumi bwami mu kimbo, anweba Yehoba Lesa wami.+
7 Bumi* bwami byo bwayilenga na kukepa, anweba Yehoba yenu navulukilenga.+
Kepo lulombelo lwami lwafikile kwi anweba, mu nzubo yenu yazhila.+
8 Aba bengijila bankishi batutu bakana nsulo yabo ya butemwe bubula kwaluka.*
9 Pakuba amiwa, nkatapishanga kwi anweba na jiwi ja kusanta.
Byo nachipa, nkebifikizha.+
Lupulukilo lufuma kwi Yehoba.”+
10 Mu kupita kwa kimye Yehoba wakambizhe jisabi, ne ajo jalashijile Yona ku kitulu.