Masalamo
Lwimbo. Lwimbo wa baana ba kwa Kola.+ Kwi ntangi; mu musango wa Mahalata,* kwimba na kuwelela. Masikila* wa kwa Hemanyi+ mwina Ezela.
4 Nabajilwa kala pa boba babena kuya mu kimbo;*+
Nashalatu kwa kubula wa kunkwasha,*+
5 Nashala mu bantu bafwa
Nobe muntu ye baipaya walaala mu kilende,
Ye mubula kuvuluka jibiji
Kabiji ye mubula kuta muchima.
6 Mwantaya mu kalengwa kazhika,
Monka mwafitatu bwii, mu kalengwa kakatampe kabula kupela.
7 Bukaji bwenu bwannemena,+
Kabiji mwankookesha na manyaki enu. (Selah)
8 Mwapangila bayukane bami kwalepa;+
Mwandengela kwikala ke kintu kya bunya kwi abo.
Banshinkila kechi nakonsha kunyema ne.
9 Meso ami afwa na mambo a lumanamo lwami.+
Kimye kyonse nemwita anweba Yehoba:+
Ntanyika maboko ami kwi anweba.
10 Nanchi mwakonsha kubila bantu bafwa bya kukumya nyi?
Nanchi bantu bafwa bakonsha kwimana ne kwimutota nyi?+ (Selah)
11 Nanchi butemwe bwenu bubula kwaluka bakonsha kwibwambapo mu kilende,
Nangwa bukishinka bwenu mu mpunzha ya lonaiko* nyi?
12 Nanchi bintu byenu bya kukumya byakonsha kuyukanyikwa mu mfishi
Nangwa bololoke bwenu mu kyalo muji bantu bo babula kuvuluka nyi?+
13 Nangwa byonkabyo, amiwa njijila kwi anweba na kukeba bukwasho, anweba Yehoba,+
Kimye kyonse lukelo lulombelo lwami lwiya kwi anweba.+
14 Anweba Yehoba, mambo ka o munkaina amiwa?*+
Mambo ka o mumfila kilungi kyenu?+
15 Kufumatu ku bwanyike bwami,
Namanama kabiji nenengezha kufwa;+
Nakankamanatu na mambo a bintu byakatazha byo mwaswisha kumfikila.
16 Bukaji bwenu buteema bwanshinda;+
Bintu byenu bilengesha moyo byañonauna.
17 Binzhokoloka nobe mema kimye kyonse;
Byanshinkila konse konse.*
18 Bakwetu ne balunda nami mwibatwala kwalepa;+
Mfishi yo yaikala mulunda nami.