MAJILO A YELEMIYA
א [Aleph]*
1 Muzhi mwajinga bantu bavula, lelo jino kafwamo bantu!+
Muzhi wayile nkuwa mu bisaka bya bantu washalatu nobe mwanamukazhi wafwilwa!+
Muzhi wajinga nobe inamfumu mu bibunji* washalatu nobe muzha!+
ב [Beth]
2 Bufuku ujila bingi,+ ne mipolo yanji ipompolokela pa mabuta anji.
Kafwako mukambwe wanji nangwa umo wiya na kumutekenesha ne.+
Balunda nanji bonse bamwalukamo;+ baikala ke balwanyi banji.
ג [Gimel]
3 Yuda bamutwala ku kyalo kingi+ na kumuyanjisha kabiji bamwalula ke muzha.+
Waikala mu bisaka bya bantu;+ kechi wataana mpunzha mwa kukokolokela ne.
Bantu bonse bamuyanjisha, bamushinda na mambo a bya malwa byanji.
ד [Daleth]
4 Mikwakwa yaya ku Ziona ibena kujila, mambo kafwako nangwa umo ubena kwiya ku kijiilo ne.+
Binzhilo byonse bya muzhi byaonaika;+ bañanga bajimo babena kubinza.
Bakamwale* bajimo babena kujila, ne aye uji na bulanda bukatampe.
ה [He]
5 Aba bamumanyikilenga baikala ke bakulumpe* banji; balwanyi banji baikala ku matwi nzoo.+
Mambo Yehoba wamuletela bya bulanda na mambo a bubi bwanji.+
Baana banji bebatwala mu buzha ku balwanyi.+
ו [Waw]
6 Lukumo lonse lwafumapo pa mwana wa mukazhi Ziona.+
Babinemanga banji baikala nobe bansebula bakankalwa kutaana nsono ya munyemvu,
Kabiji bakookatu zubulu pa kwenda ku boba bebamanyika.
ז [Zayin]
7 Mu moba a kumanama kwanji ne kususuta, Yelusalema uvuluka
Bintu byonse byawama byo ajinga nabyo kala.+
Bantu banji byo bebepayile ku balwanyi ne kushala kwa kubula wa kumukwasha,+
ח [Heth]
8 Yelusalema walenga mambo akatampe bingi.+
O ene mambo o aikela ke kintu kya bunya.
Bonse bamunemekanga kala bamulengulula bingi, mambo bamutambila.+
Aye ubinza+ ne kufyama na mambo a kumvwa bumvu.
ט [Teth]
9 Bintu byatama biji mu bivwalo byanji.
Kechi walangulukile pa bintu bikamumwekela kulutwe ne.+
Waponene kyatama bingi; kafwako wakumutekenesha ne.
Anweba Yehoba, monai kumanama kwami, mambo mulwanyi wilundumika bingi.+
י [Yod]
10 Mulwanyi wakwata pa bintu bya buneme byonse.+
Mambo wamona bisaka bya bantu na kutwela mu nzubo yanji yazhila,+
Aba bo mwakambizhe’mba, kechi bafwainwa kutwela mu kipwilo kyenu ne.
כ [Kaph]
11 Bantu banji bonse babena kujila; babena kukeba kajo.+
Babena kupimpula bintu byabo bya buneme na kajo kuba’mba bekale na bumi.*
Talai, anweba Yehoba, amiwa naikala nobe mwanamukazhi* watutu.
ל [Lamed]
12 Nanchi kyo kintu kyatutu kwi anweba bonse mupita mu mukwakwa nyi?
Talai mumone!
Nanchi kujipo bya malwa byakonsha kwesakana na byo bya byammwekejile,
Yehoba byo andetejile mu juba ja bukaji bwanji bukatampe nyi?+
מ [Mem]
13 Aye watuma mujilo mu bikupa byami kufuma kwalepa,+ kabiji ushinda bantu bonse.
Wata bukonde maulu ami; wankanjikizha kubwela lumfutwanyuma.
Wangalula ke mwanamukazhi watutu.
Nkolwa moba onse.
נ [Nun]
14 Bubi bwami bebukasa nobe kikonkoji, bebupombela kumo na kuboko kwanji.
Bebukashila pa nshingo yami, kabiji bulume bwami bwapwa.
Yehoba wampana mu kuboko kwa bantu bankila bulume.+
ס [Samekh]
15 Yehoba wafumya babilobo bonse mwi amiwa.+
Wasala bantu bakulwa ne amiwa kuba’mba bepaye bansongwalume bami.+
Yehoba wanyantawila mwana wa mukazhi Yuda mu kya kufiinamo binyu.+
ע [Ayin]
16 Amiwa mbena kujila na mambo a bino bintu;+ meso ami ayula mipolo.
Mambo awa yense wakonsha kuntekenesha nangwa kunkosesha uji kwalepa ne amiwa.
Baana bami babula kwa kuya, mambo balwanyi betushinda.
פ [Pe]
17 Ziona watanyika maboko anji;+ kafwako muntu nangwa umo wa kumutekenesha ne.
Yehoba waambila balwanyi banji bonse bamuzhokoloka kuba’mba bamulukuke Yakoba.+
Yelusalema waikala ke kintu kya bunya kwi abo.+
צ [Tsade]
18 Yehoba waoloka,+ amiwa yami nalengulula mikambizho* yanji.+
Umvwai, anweba bantu bonse ne kumona kumanama kwami.
Bakamwale* ne bansongwalume bami bebatwala mu buzha.+
ק [Qoph]
19 Naita bakambwe bami, pano bino abo bangalukamo.+
ר [Resh]
20 Anweba Yehoba, monai, mambo amiwa namanama bingi.
Munda* mwami mubena kushulauka.
Muchima wami wauba bulanda, mambo nasatuka.+
Pangye mpoko ibena kwipayañana;+ mu nzubo namo bantu babena kufwa.
ש [Shin]
21 Bantu baumvwa kubinza kwami; kafwako wa kuntekenesha ne.
Balwanyi bami bonse baumvwa bya malwa byammwekela.
Abo basangalala na mambo a kuba mwibindetejile.+
Pano bino, juba jo mwalayile jikafika jo bakekala nobe amiwa.+
ת [Taw]
22 Bubi bwabo bonse buyukanyikwe kwi anweba kabiji mwibakambule,+
Byonkatu byo mwankambwile na mambo a bubi bwami bonse.
Mambo bulanda bwami bwabaya, kabiji muchima wami wakooka.
א [Aleph]
2 Yehoba wavweta mwana mukazhi Ziona mu jikumbi na mambo a bukaji bwanji!
Wataya buya bwa Isalela pano pa ntanda kufuma mwiulu.+
Kechi wavuluka kya kunyantapo maulu anji+ mu juba ja bukaji bwanji ne.
ב [Beth]
2 Yehoba waonauna monse mwikala Yakoba kwa kubula lusa.
Na mambo a bukaji bwanji, wakundula mapunzha akosa a muzhi wa Yuda.+
Wakundula ne kulengulula bufumu+ ne babinemanga babo.+
ג [Gimel]
3 Na mambo a bukaji bukatampe waponesha bulume* bonse bwa ba bena Isalela.
Wafumishepo kuboko kwanji kwa kilujo balwanyi byo baishile,+
Mwi Yakoba, wateemenenga nobe mujilo ne kusoka byonse byajingamo.+
ד [Daleth]
4 Wavwemuna* buta bwanji bwa mukanda nobe mulwanyi; wakosesha kuboko kwanji kwa kilujo nobe kwa yewa umumanyika;+
Waipayile bantu bonse bo akebelenga.+
Kabiji waitulwijile bukaji bwanji mu tente wa mwana wa mukazhi Ziona nobe mujilo.+
ה [He]
5 Yehoba waikala nobe mulwanyi;+
Waonauna Isalela.
Wakundula byamba byanji byonse;
Waonauna masakwa anji onse akosa.
Kabiji kujila ne kuwowakana kubena kumvwanyikila mu muzhi wa Yuda.
ו [Waw]
6 Wasandañanya mwimba+ wanji byonkatu byo basanda kimpampa kiji mu bujimi.
Yehoba walengela bantu kulubako bijiilo ne moba a sabado mu Ziona,
Kabiji na mambo a bukaji bwanji, walengulula mfumu ne ñanga.+
ז [Zayin]
7 Yehoba wakana kya kusokelapo bitapisho kyanji;
Walengulula nzubo yanji yazhila.+
Wapana masakwa anji akosa mu maboko a balwanyi.+
Babena kuba kiwowo mu nzubo ya Yehoba+ nobe juba ja kijiilo.
ח [Heth]
8 Yehoba wafuukulapo kukundula nsakwa ya mwana wa mukazhi Ziona.+
Watanyika lutambo wa kupiminako.+
Kechi wakanya kuboko kwanji kwiyonauna* ne.
Kabiji walengela kyamba ne nsakwa kujila.
Byonse pamo byanekena.
ט [Teth]
9 Binzhilo byanji byatwela panshi.+
Lesa waonauna ne kuchimauna tupingilo twanji.
Mfumu wanji ne babinemanga banji baji mu bisaka bya bantu.+
Bantu kechi babena kulondela mizhilo* ne; ne bangauzhi banji nabo baleka kumona bimwesho kufuma kwi Yehoba.+
י [Yod]
10 Bakulumpe ba mwana wa mukazhi Ziona baikalatu nzoo panshi.+
Babena kwifukwila maloba ku mitwe yabo, bavwala bisapi bya majila.+
Bakamwale ba mu Yelusalema bakinka bilungi byabo panshi.
כ [Kaph]
11 Meso ami akooka na kulukumuna mipolo.+
Munda* mwami mubena kushulauka.
Jichima jami bejifumyamo ne kwijitaya panshi na mambo a konaika kwa mwana wa mukazhi wa* balongo bami,+
Ne na mambo a baana ne balukeke babena kupungila mu mabanza a muzhi.+
ל [Lamed]
12 Bepuzha bainabo amba, “Nanchi kajo ne binyu biji pi?”+
Saka bapungila nobe muntu ye bakozhezha mu mabanza a muzhi,
Saka bafwila mu maboko a bainabo.
מ [Mem]
13 Ñanyi kintu kyo nakonsha kukumwesha,
Nangwa ku ñanyi kintu ko nakonsha kukwesakanyako, obewa mwana wa mukazhi Yelusalema?
Obewa mwana wa mukazhi Ziona, ku ñanyi kintu ko nakonsha kukwesakanyako, pa kuba’mba nkutekeneshe?
Mambo konaika kobe kwabayatu nobe kalunga ka mema.+ Ñanyi wakonsha kukubuka?+
נ [Nun]
14 Bangauzhi bobe bakumwenejile bimwesho bya bubela kabiji byatutu,+
Kabiji kechi basolwele bubi bobe pa kuba’mba babule kukutwala mu buzha ne,+
Bino batwajijile kumona bimwesho ne kukubuula bintu bya bubela kabiji bitwala mungi.+
ס [Samekh]
15 Aba bonse bapita mu mukwakwa bakuba mukeyu saka bapopwela mu maboko abo.+
Beta milozhi saka bakumya+ ne kupukunya ku mitwe yabo na mambo a mwana wa mukazhi Yelusalema ne kwamba’mba:
“Nanchi uno kechi ye muzhi ye baambangapo amba, ‘Wa buya bingi bantu bonse ba pano pa ntanda ye bamwenangamo lusekelo nenyi’?”+
פ [Pe]
16 Balwanyi bobe bonse bakwasamina tunwa twabo.
Beta milozhi ne kushenka ku meno abo ne kwamba’mba: “Twamonauna.+
Jino jo juba jo twatengejilenga!+ Jafika kabiji twimwenajo!”+
ע [Ayin]
17 Yehoba wauba kintu kyo akebelenga;+ wafikizha bintu byo aambile,+
Bintu byonka byo aambilepo kala kene.+
Waonauna bintu kwa kubula lusa.+
Walengela balwanyi kusangalela pe obewa; watumbijika bulume* bwa balwanyi bobe.
צ [Tsade]
18 Obewa nsakwa ya mwana wa mukazhi Ziona, bantu babena kumujijila Yehoba.
Mipolo ipitengatu mute ne bufuku nobe kakola.
Kange wikileke kujila ne, mipolo* yobe ipitengatu kikupu.
ק [Qoph]
19 Buuka! Ujile bufuku pa kufika kimye kya ku makya.
Mubuule Yehoba bintu byonse biji ku muchima wobe saka ujila.
Suntwila maboko obe kwi aye na mambo a bumi* bwa baana bobe,
Babena kutembuka na nzala mu mikwakwa yonse.+
ר [Resh]
20 Anweba Yehoba, talai muntu ye mwakambwile.
Nanchi banabakazhi bafwainwa kutwajijila kuja baana* babo bene, bonka bo besemejile nyi?+
Nangwa bañanga ne bangauzhi bafwainwa kwibepayila mu nzubo ya Yehoba nyi?+
ש [Shin]
21 Banyike ne bakulumpe bafwa, balaalazhamatu mu mikwakwa.+
Bakamwale* ne bansongwalume bami bafwa na mpoko.+
Mwibepaya mu juba ja bukaji bwenu; mwibonauna kwa kubula lusa.+
ת [Taw]
22 Muleta bintu bilengesha moyo kufuma konse konse nobe mubena kwita bantu ku kijiilo.+
Mu juba ja bukaji bwa Yehoba, kafwako muntu nangwa umo wanyemene nangwa kupuluka ne;+
א [Aleph]
3 Amiwa ne muntu wamona bya malwa mambo Lesa wituzhingijile ne kwitukambula.
2 Wampangamo ne kundengela kwenda mu mfishi mwabula kyeya.+
3 Aye unkambula kimye kyonse.+
ב [Beth]
4 Walengela mubiji wami kunyana ne kikoba kyami kuba mikafi;
Wachimuna bikupa byami.
5 Wandukuka; wanzhokolosha na bintu bya bulembe+ ne makatazho.
6 Wankanjikizha kwikala mu mapunzha muji mfishi, byonka biji bantu bafwile kala.
ג [Gimel]
7 Wanshinkila mukachi ka nsakwa amba mbule kunyema;
Wankasa nshimbi yanema ya mukuba.+
8 Kabiji inge namujijila namba ankwashe, ukana kukumbula* lulombelo lwami.+
9 Washinka mu mashinda ami na mabwe a kusonga;
Walengela mashinda ami kukatazha kwendamo.+
ד [Daleth]
10 Wambelamina nobe mbeyala kabiji nobe bokwe ukeba kunkwata.+
12 Wavwemuna* buta bwanji bwa mukanda ne kundengela kwikala kintu kyakwasamo muketo.
ה [He]
13 Wapulankanya mafyo ami na miketo* iji mu fukuta wanji wa miketo.
14 Naikala ke wakusekwa ku ba mitundu yonse ya bantu, naaluka ke lwimbo ye bemba pa juba pa juba.
15 Wangyuzha bintu byalula kabiji wantomesha kichi kyalula.+
ו [Waw]
17 Mwalengela amiwa* kubula kwikala mutende; navulama bintu byawama.
18 Onkao mambo, naamba namba: “Lukumo ne luketekelo lwami mwi Yehoba lwapwa.”
ז [Zayin]
19 Vulukai kumanama kwami ne byo nabula pa kwikala,+ ne byo natoma kichi kyalula ne bulembe.+
20 Kine, anweba* mukamvuluka ne kwiya na kunkwasha.+
21 Mvuluka bino bintu mu muchima wami; o ene mambo o nkemupembelelanga.+
ח [Heth]
23 Mumwesha lusa pa juba pa juba;+ bukishinka bwenu bwabaya.+
24 Amiwa naamba namba,* “Yehoba kyo kya buswanyi kyami;+ o ene mambo o nkamupembelelanga.”+
ט [Teth]
25 Yehoba wawama bingi ku muntu* yense wamuketekela,+ ku yewa umukeba.+
26 Kyawama bingi muntu kupembelela lupulukilo lwa Yehoba saka atekanya.+
27 Kyawama bingi muntu kupita mu makatazho saka akiji mwanyike.+
י [Yod]
28 Mulekai ekale bunke ne kuzhindama nzoo, umvwe Lesa waswisha makatazho kumufikila.+
29 Mulekai akinke kilungi kyanji panshi;+ kampe usakutaana bukwasho.+
30 Mulekai apane jibuta janji ku yewa ubena kumupuma; mulekai bamube mwenga.
כ [Kaph]
31 Mambo Yehoba kechi uketutaya myaka ne myaka ne.+
32 Nangwa kya kuba witulengela kwikala na bulanda, uketubila lusa monka mwayila kubaya kwa butemwe bwanji bubula kwaluka.+
33 Mambo aye kechi ukeba kuyanjisha nangwa kulengela baana ba bantu kwikala na bulanda ne.+
ל [Lamed]
34 Kechi unyantaula bakaili ba pano pa ntanda ne,+
35 Kechi ubula kuchibila mambo muntu monka mo aolokela ku meso a Mwine Wakila ne,+
36 Kuzhachisha muntu wabula mambo
—Yehoba kechi usekelamo mu bino bintu ne.
מ [Mem]
37 Pano ñanyi wakonsha kwamba kintu ne akyo kyamweka kwa kubula Yehoba kwikiswisha?
38 Mu kanwa ka Mwine Wakila,
Kechi mufuma bintu byatama ne byawama pa kimye kimo ne.
39 Mambo ka muntu mumi o afwainwa kwijizhañenya na mambo a bintu byatama bifuma mu bubi bwanji mwine?+
נ [Nun]
40 Twayai twitaletale ne kulangulukishapo bulongo pa mashinda etu,+ kabiji twayai tubwele kwi Yehoba.+
41 Twayai twambe biji ku michima yetu ne kusuntwila maboko etu kwi Lesa uji mwiulu amba:+
42 “Atweba twimulenga mambo ne kwimusatukila,+ kabiji kechi mwitulekelako mambo ne.+
ס [Samekh]
43 Na mambo a bukaji bwenu mwitushinkila kwiya kwi anweba;+
Mwitupupila ne kwitwipaya kwa kubula kwitubilako lusa.+
44 Mwivweta jikumbi pa kuba’mba milombelo yetu ibule kupita ne kufika kwi anweba.+
45 Mwitulengela kwikala kintu kya bunya ne kintu kyo balengulula mu mitundu ya bantu.”
פ [Pe]
46 Balwanyi betu bonse babena kwitwendeleka.+
47 Bintu bileta moyo ne bitewa bitufikila,+ ko kuba’mba kwitukozha ne kwitonauna.+
48 Mipolo ibena kupompoloka mu meso ami nobe tukola twa mema na mambo a konaika kwa muzhi wa balongo bami.+
ע [Ayin]
49 Mipolo ilukumukatu mu meso ami kwa kubula kuleka, kechi ipwa ne,+
50 Kufikatu ne kimye Yehoba kyo akatala panshi kufuma mwiulu ne kumona bantu banji byo babena kuyanda.+
51 Meso ami andetela bulanda na mambo a bantu bonse baji mu muzhi wami.+
צ [Tsade]
52 Balwanyi bami bamfumpila nobe kañonyi kwa kubula mambo.
53 Bangipayila mu kimbo; bangashilenga mabwe.
54 Mema apichile pa mutwe wami kabiji naambile namba: “Pano nafwa!”
ק [Qoph]
55 Anweba Yehoba, amiwa nemwichile pa jizhina jenu saka nji panshi pene mu kimbo.+
56 Umvwai byo mbena kwamba; kange mushinke matwi enu ku byo mbena kwimujijila kuba’mba munkwashe ne kuntekenesha ne.
57 Mwafwenyenye kwipi mu juba jo nemwichile. Mwañambijile’mba: “Kange wakamwe ne.”
ר [Resh]
58 Anweba Yehoba, mwañimenako ku mambo ami,* mwapulusha bumi bwami.+
59 Anweba Yehoba, mwamona bintu byatama byo banguba; nemusashijila, nchibilai mambo monka mo aolokela.+
60 Mwamona bintu byonse byo bashinkanya ne amiwa, bintu byonse byatama byo bakeba kunguba.
ש [Sin] nangwa [Shin]
61 Anweba Yehoba, mwaumvwa byo babena kuñendeleka, bintu byonse byatama byo bakeba kunguba,+
62 Mwaumvwa bintu bibena kwamba balwanyi bami ne bintu byo bomvwañana kunguba moba onse.
63 Talai; nangwa baikala nangwa baimana, abo bañendeleka mu nyimbo yabo!
ת [Taw]
64 Anweba Yehoba, mukebakambula monka mwayila byubilo byabo.
65 Mukebalengela kukosesha michima yabo, byo mukebafinga.
66 Anweba Yehoba, mukebapupila na bukaji bwenu ne kwibepaya kwibafumya pano pa ntanda.
א [Aleph]
4 Ngolode yabembelanga yaleka kubembela, yonka ngolode yo batubula bulongo!+
Mabwe azhila+ alaalazhamatu mu mikwakwa yonse!+
ב [Beth]
2 Pakuba aba bo banemekele mu Ziona nobe* ngolode yo batubula bulongo,
Babena kwibamonatu nobe mulondo,
Ye babumba kwi mbumbi!
ג [Gimel]
3 Balubwala bamisha baana babo,
Pakuba baana ba bakazhi ba balongo bami bakanamatu+ nobe bañonyi ba mu kiselebwa batelwa’mba baosetelechi.+
ד [Daleth]
4 Lujimi wa mwana ukyamwa ukakachila ku mubanga wa kwiulu na mambo a kilaka.
Baana balomba kajo,+ pano bino kafwako wibapako ne.+
ה [He]
5 Aba bajanga kajo kawama, babena kupitañanatu* mu mikwakwa.+
Aba bapijilwe kuvwala bivwalo byachiluluka,+ bekalatu ku kyala.
ו [Waw]
6 Balongo bami bebakambula kukila byo bakambwile bantu baubilenga bubi mu Sodoma,+
Muzhi ye baonawinetu mu kakimye kacheche kwa kubula nangwa umo wa kumukwasha.+
ז [Zayin]
7 Banazili+ ba mu Ziona batoka kukila mabebe ne kutokesha kukila mukaka.
Bamwekanga bingi bulongo kukila mabwe a makolale; bajinga nobe mabwe a safila o batubula bulongo.
ח [Heth]
8 Baaluka ke bafiitatu bwii kukila mashanga;
Kechi bebayuka inge babena kupita mu mikwakwa ne.
Bikoba byabo byakakachila ku bikupa byabo;+ byaikalatu nobe kichi kyauma.
ט [Teth]
9 Bantu bafwa ku mpoko bawama kukila bafwa ku kipowe kya nzala,+
Banyanatu nobe bebapulankanya mapoko na mambo a kubula kajo mu majimi.
י [Yod]
10 Banabakazhi bajinga na lusa babena kuteeka baana babo bene.+
Baikala ke kajo kabo ka kujijilapo balongo bami baonaika.+
כ [Kaph]
Wabamba mujilo mu Ziona wa kusoka bitendekesho byanji.+
ל [Lamed]
12 Bamfumu ba pano pa ntanda ne bantu bonse bekala mu kyalo kechi baketekejile
Kuba’mba bantu bakanama ne balwanyi bakonsheshe kutwela mu bibelo bya Yelusalema ne.+
מ [Mem]
13 Kino kyamwekele na mambo a bubi bwa bangauzhi ne bañanga bajingamo,+
Bonka baichijile mashi a bantu babula mambo bo baikalanga nabo.+
נ [Nun]
14 Babena kupitañanatu mu mikwakwa.+
Batapakanatu mashi,+
Kya kuba kafwako muntu nangwa umo wakonsha kukwata ku bivwalo byabo ne.
ס [Samekh]
15 Bantu bebambijilenga’mba, “Yainga, anweba muji na ndochi. Fumai papo! Yainga! Kange mwitukwate ne!”
Mambo abo kechi baji ne na pa kwikala ne, bapitañanamotu.
Bantu baji mu bisaka bya bantu babena kwamba’mba: “Kechi bakonsha kwikala ne atweba ne.*+
פ [Pe]
16 Yehoba wibapalañanya;+
Kechi ukebobilapo jibiji bibusa ne.
Bantu kechi bakanemeka bañanga+ nangwa kubila lusa bakulumpe ne.”+
ע [Ayin]
17 Ne lunotu meso etu akooka na kukeba bukwasho.+
Twakebelenga bukwasho ku bisaka bya bantu byakonsha kubula kwitupulusha.+
צ [Tsade]
18 Betufumpila monse mo twenda+ kya kuba tukankalwa ne kwenda mu mikwakwa yetu.
Mpelo yetu yafwenya kala pepi; moba etu apwa, mambo mpelo yetu yafika.
ק [Qoph]
19 Aba betupupijilenga bajinga bingi na lubilo kukila bampungu bapita mwiulu.+
Betupangishenga pa mitumba ne kwitubelamina mu biselebwa.
ר [Resh]
20 Mushingwa wa Yehoba+ wajinga nobe muya wa bumi bwetu, bamukwachila mu kimbo kyabo kikatampe,+
Yenka ye twaambilengapo amba: “Uketuzhikijila kabiji uketukwasha kwikala bulongo mu bisaka bya bantu.”
ש [Sin]
21 Obewa muzhi wa Edomu,+ sekela ne kusangalala byo ubena kwikala mu kyalo kya Uze.
Nangwa byonkabyo, katomeno kakapita+ ne mwi obewa, kabiji ukapendwa ne kushalatu matakotu.+
ת [Taw]
22 Kukukambula pa bubi bobe obewa mwana wa mukazhi Ziona kwapwa.
Lesa kechi ukakutwalapo jibiji mu buzha ne.+
Bino aye ukavuluka bubi bobe, obewa muzhi wa Edomu.
Aye ukasolola patoka bubi bobe.+
5 Anweba Yehoba, vulukai bintu bitufikila.
Talai ne kumona byo kitulenga bumvu.+
2 Buswanyi bwetu bebupana ku bantu bangi ne mazubo etu beapana ku bantu bafuma ku byalo bingi.+
3 Twaaluka ke baana bakishale babula shabo; bainetu baikala nobe banabakazhi bafwilwa.+
4 Bantu babena kwitupotesha mema etu,+ ne kwitupotesha nkunyi yetu.
5 Babena kwitupangisha ku balwanyi betu, kabiji kechi baji palepa ne atweba ne;
Twakooka, twakankalwa ne kukokoloka.+
6 Twaketekejile mwi Ijipita+ ne Asilya+ kuba’mba baketupa kajo kavula ka kuja.
7 Bashakulu betu balengele mambo bafwile kala, pano bino atweba yetu tubena kuyanjilamo mu bubi bwabo.
8 Bazha bo babena kwitulama; kafwako nangwa umo wakonsha kwitupokolola mu maboko abo ne.
9 Tubika bumi* bwetu mu kizumba pa kukeba kajo,+ na mambo a boba baji na mpoko mu kiselebwa.
10 Mibiji yetu yatwa kyuya nobe kisha kya mujilo, na mambo a nzala.+
11 Banabakazhi basongolwa ba mu Ziona bebalenga mambo* ne bakamwale ba mu mizhi ya Yuda.+
12 Babinemanga bebakashile ku maboko+ ne kwibasha na kupepela, kabiji bakulumpe kechi bebanemekele ne.+
13 Bansongwalume basendelenga mpelo, kabiji banyike bayilenga saka batelengela na mambo a kusenda nkunyi yanema.
14 Bakulumpe balupuka mu bibelo bya muzhi;+ bansongwalume baleka kwimba nyimbo yabo.+
15 Lusekelo lwa mu michima yetu lwapwa; kuzha kwetu kwaaluka ke majila.+
16 Munchinya waponako ku mitwe yetu. Kitutamina bingi mambo twalenga mambo.
17 Michima yetu ibena kukola na mambo a kino,+
Kabiji na mambo a bino bintu, meso etu aleka kumwesha,+
18 Na mambo a kuba Mutumba wa Ziona bamonauna;+ balubwala babena kupitañana monka.
19 Pakuba anweba Yehoba, mukekalanga pa jitanda jenu myaka ne myaka.
Jitanda jenu jo ja myaka ne myaka ku bisemi byonse.+
20 Mambo ka o mwituvulamina myaka ne myaka, ne kwitusha pa kimye kyabaya bibye?+
21 Anweba Yehoba, tubwezhai kwi anweba, ne atweba twaswa kubwela kwi anweba.+
Bwezhai moba etu byonka byo ajinga kala.+
22 Nangwa byonkabyo, anweba kine mwitukana.
Mwatwajijila kwituzhingijila.+
Bitango 1-4 ke nyimbo ya bulanda mu nembelo ya Kihebelu.
Nangwa’mba “manyaunda a bijiiji.”
Nangwa’mba “bansongwakazhi.”
Mu Kihebelu, “mutwe wanji.”
Nangwa’mba “kumwendeleka.”
Nangwa’mba “babwezhe mweo.”
Ubena kwimenako Yelusalema.
Mu Kihebelu, “kanwa kanji.”
Nangwa’mba “bansongwakazhi.”
Nangwa’mba “babwezhe mweo.”
Mu Kihebelu, “mila yami ibena.”
Mu Kihebelu, “nsengo yonse.”
Mu Kihebelu, “wanyanta.”
Nangwa’mba “waonauna.”
Mu Kihebelu, “kwiimina.”
Nangwa’mba “mikambizho.”
Mu Kihebelu, “mila yami ibena.”
Nsansawilo ibena kwamba pa bantu, kampe kumwesha lusa nangwa kifyele.
Mu Kihebelu, “lusengo wa.”
Mu Kihebelu, “mwana wa mukazhi wa jiso jobe.”
Nangwa’mba “myeo ya.”
Nangwa’mba “bipangwa byabo.”
Nangwa’mba “bansongwakazhi.”
Nangwa’mba “aba bo nasemene batuntulu.”
Nangwa’mba “ukana; ushinkako.”
Nangwa, “kundengela kulaala sulubya.”
Mu Kihebelu, “Wanyanta.”
Mu Kihebelu, “baana ba balume.”
Nangwa’mba “mweo wami.”
Nangwa’mba “Mweo wenu.”
Nangwa’mba “Mweo wami waamba’mba.”
Nangwa’mba “mweo.”
Nangwa’mba “mambo a mweo wami.”
Nangwa’mba “banemene nobe.”
Mu Kihebelu, “konaika
Nangwa’mba “kwikala kuno nobe bantu ba mu kyalo kingi.”
Nangwa’mba “mweo wetu.”
Nangwa’mba “kwibalaala kya kwibakanjikizha.”