Bya Kupezhako

Nanchi mubena kuvuluka bimye byawama byo mwiyowele na bantu ba Yehoba nabiji kupwila kwa kipwilo kwimutundaikile, kushonkena ko mwatemenwe, byamwekele byawama mu mwingilo wa kusapwila nangwa misambo yawama yo mwisambilenga na bakwenu bena Kilishitu nyi? Kechi mwamulubamo Yehoba ne; ne ayetu kechi wimulubamo ne. Uvuluka bingi mingilo yo mwaingijile mu bukishinka. Kabiji wakebesha kwimukwasha kuba’mba mubwele.

Yehoba waamba’mba, “Amiwa mwine nkeikeba mikooko yami ne kwiilama bulongo. Nkeita muchima byonkatu byuba kafunga ujiisha mikooko yanji yapalañenejilemo inge wiitaana. Nkeibwezha kufuma mu mapunzha onse mo yapalañenejile.”—Ezikyo 34:11, 12.