Ku Batanga Magazini Etu
Uno magazini ye mubena kutanga watendekele kunembwa mu July 1879. Kufumatu kyo kya kimye bintu byavula byapimpulwa bingi, kyo kimotu ne uno magazini. (Monai bipikichala biji peulu.) Kutendeka na uno magazini musakumona lupimpu mu nembelo ya Kyamba kya Usopa. Bi ka byapimpulwa?
Akimonai pa biji pa mutanchi wa bijimo pa jipa 2, kabiji mumone ne mutwe wa kuba’mba, “Tangai byavula pa intaneti.” Pa ñondo pa ñondo mu uno mutwe mukatanangamo mitwe ya bibaba bikekalanga pa keyala wa www.pr2711.com. Pano mambo ka o bakabikilanga bibaba bimo pa intaneti?a
Mu byalo byavula, bantu bavula batemwa bingi kukeba bishinka pa intaneti. Kibapelela bingi kutana bishinka pa intaneti. Bakonsha kutanga mabuku, magazini ne mapepala a byambo pa intaneti.
Mambo a kuba bantu bavula batemwa kutanga pa intaneti, twapimpula keyala wetu wa jw.org, pa kuba’mba bavula bamutemwe kabiji ebapelelenga kumwingijisha. Bantu bengijisha keyala wetu wa intaneti bakonsha kutanga mabuku mu milaka kukila pa 430. Nangwa byonkabyo, kutendeka mu uno ñondo, mitwe imo yatanwanga jonse mu magazini etu, ikatanwangatu pa intaneti kwapwa.b
a Mitwe imo ikatanwangatu pa intaneti ke ino: “Kibaba kya Bakyanyike,” kino kibaba kikwasha bakyanyike kwikala na bya kuba pa kufunda Baibolo, ne kibaba kya kuba’mba “Mafunjisho ami a mu Baibolo,” kino kibaba banembela bansemi kya kwingijisha ku baana babo baji na myaka isatu ne kubwela panshi.
Na mambo a kuba bibaba bimo bikatanwangatu pa intaneti, kutendeka na uno magazini, Kyamba kya Usopa kya bena kengi tusakwikikepeshako kufuma pa mapa 32 kubwela pa mapa 16. Lelo jino Kyamba kya Usopa kibena kutuntululwa mu milaka 204. Byo twikikepeshako, ne milaka ikatuntululanga uno magazini ikavujilako.
Tuji na luketekelo lwa kuba’mba luno lupimpu luketukwasha kusapwila mambo a mu Baibolo a kupulusha bantu. Tubena kukebesha kutwajijila kusampanya byambo byawama bipana maana, mu magazini ne pa intaneti byakukwasha bantu banemeka Baibolo kabiji bakeba kuyuka byo ifunjisha.
Banembi
[Tubyambo twa mushi]
b Among the articles that will appear only online are the following: “For Young People,” which outlines youth-oriented Bible study projects, and “My Bible Lessons,” a series designed for parents to use with children who are three years of age and under.
[Kipikichala pa peja 3]
PA INTANETI
Tambai vidyo ipi ya “Kyamba kya Usopa—kyatendekele kunembwa mu 1879”