Ukupitulukamo Kwa Kulemba Ukwe Sukulu Lya Butumikishi Bwa Teokratiki
Ukupitulukamo pa fitabo fyaisalwa pa fyebo fyafimbilwe mu kupeelwe mbali kwe Sukulu lya Butumikishi bwa Teokrasi ukwa milungu ya September 6 ukufika ku December 20, 1999. Bomfyeni ipepala lya pa mbali ku kulembapo ifyasuko ku fipusho fyafulilako ukufika pantu mwingapesha mu nshita ipeelwe.
[Ishibeni: Mu kati ka kupitulukamo kwa kulemba, ni Baibolo fye ingabomfiwa ku kwasuka icipusho icili conse. Ifya kuloshako ifikonkele pa fipusho fya kusapika kwa pa lwenu. Amanambala ye bula na paragrafu te kuti pambi yamoneke pa fya kuloshako fyonse ku Ulupungu lwa kwa Kalinda.]
Asukeni ubulondoloshi bwakonkapo Cine nelyo Bufi:
1. Inshita shimo tufwile ukulolela amapaalo ya kwa Yehova, pantu alishiba imibele yesu kabili alapayanya ico tulekabila ilyo cingaba ica kunonsha sana kuli ifwe. (Amalu. 145:16; Yako. 1:17) [w-CW98 1/1 ibu. 23 para. 6]
2. Ukubapo kwa cipao ca cipingo kweka kweka takwalolele mu kuti abena Israele ninshi capwa baali no kwikala mu mutende. Apashintilile amapaalo ya kwa Yehova ni pa mibele yabo iya ku mupashi na pa citetekelo ne cumfwila ifya balesunga icipao ca cipingo. (Yosh., icipa. 7) [Ukubelenga Baibolo ukwa cila mulungu; moneni it-1, ibu. 167 para. 2.]
3. Ilelo tuliishiwa lwa ku mupashi ukupitila mu kubelenga fye Icebo ca kwa Yehova. (Amala. 8:3) [Ukubelenga Baibolo ukwa cila mulungu; moneni w-CW85 6/15 ibu. 17 amapara. 15, 17.]
4. Icishinte cakomailwapo mwi Funde lya kwa Mose pa Amalango 23:20 cilangilila ukuti Umwina Kristu kuti abulisha ukutemwa nga alefwaya nsonsela ilyo akongwesha indalama. [Ukubelenga Baibolo ukwa cila mulungu; moneni it-1, ibu. 1212 para. 5; it-2, ibu. 259 para. 11; w-CW86 10/15 ibu. 12 para. 9.]
5. Ilyashi lisuma ilyaletele Yoshua na Kalebu lyashimpilwe pa kucetekela nga nshi mu maka no mupampamina wa bena Israele abene ukuti baali no kucimfya ifipindami ifili fyonse ifingabalesha ukucandila Icalo ca Bulayo. (Impe. 13:30) [w-CW98 2/1 ibu. 5 para. 4]
6. Ilyo Paulo alandile pa “ca bupe” muli 1 Timote, alecinkulako Timote ulwa kusubwa no mupashi na pa lwe subilo lya ku muulu ilyo alelolela. (1 Tim. 4:14) [w-CW98 2/15 ibu. 25 para. 1]
7. Ibuuku lya kwa Yoshua talyalandapo icili conse icilangilila ukuti mu kuya kwa nshita kwali no kufyalwa Ulubuto lwa Bufumu. [si-CW ibu. 46 para. 24]
8. Ibuuku lya Abapingushi lyashi lya baume abasalilwe no kusontwa na bena Israele abene ku kuteka uluko pa nshita kushali mfumu. [si-CW ibu. 46 para. 2]
9. Ukulomba kwa kwa Gideone, nga fintu kwalondololwa mu Abapingushi 6:37-39, kulangilila ukuti alicililemo ukusakamikwa no kutunganya. [Ukubelenga Baibolo ukwa cila mulungu; moneni w-CW88 4/1 ibu. 30 para. 6.]
10. Filya afundile abasambi ukuti tabafwile ‘ukuposha umuntu nangu umo mu nshila,’ Yesu alekomaila pa kupamfya kwa mulimo wa kushimikila no kuti bafwile ukupooseshako amano pantu walicindama icine cine. (Luka 10:4) [w-CW98 3/1 ibu. 30 para. 5]
Asukeni ifi fipusho:
11. Mulandu nshi cacindamina ukuti ifyebo fya kwa Yehova fibe mu mitima ya bafyashi? (Amala. 6:5, 6) [Ukubelenga Baibolo ukwa cila mulungu; moneni w-CW98 6/1 ibu. 20 para. 4.]
12. Ni shani umutwe wa lupwa wingomfwila icishinte caba pa Amalango 11:18, 19? [Ukubelenga Baibolo ukwa cila mulungu; moneni fy-CW ibu. 70 para. 14.]
13. Fyebo nshi ifya mu Malembo ifilangilila ukuti Onesimu umusha wafyukile afwile alikeleko na Paulo pa nshita ntali, ilyo Paulo ashilalembela Filemone? [w-CW98 1/15 ibu. 30 para. 2]
14. Nga twamona bamo balefyengwa nelyo ifwe bene twafyengwa, cinshi twingacita pa kuti tatufuupwilwe nelyo ukumona kwati ububifi bukatwalilila? [w-CW98 2/1 ibu. 6 amapara. 2-3]
15. Ni shani fintu Yoshua na Gideone bacindikishe Ifunde lya kwa Lesa? (Amala. 20:8, 15-18) [si-CW ibu. 41 para. 32]
16. Ni shani fintu ilyashi lyalondololwa pali Yoshua 10:10-14 lyapalana ne fyo twingenekela ukucitika pa Armagedone? [Ukubelenga Baibolo ukwa cila mulungu; moneni w-CW86 12/15 ibu. 23 para. 12–ibu. 24 para. 14.]
17. Lumbuleni ukumwenamo kutatu ukwaba mu kulumbanya umuntu mu bufumacumi pa mibele yakwe iisuma. (Linganyeniko Amapinda 15:23.) [w-CW98 2/1 ibu. 31 amapara. 5-6]
18. Ukulingana na Yoshua 20:4, umuntu kuti afulumukila shani ku mushi wa kushinamo uwa mampalanya? [Ukubelenga Baibolo ukwa cila mulungu; moneni w-CW86 12/15 ibu. 24 para. 16.]
19. Abapingushi 5:31 balangilila shani ukuti filya Umupingushi Baraki acimfishe umulalo wa maka uwa kwa Sisera pa mumana wa mukuku uwa Kishone fyaliba no bupilibulo bwacindama mu nshiku shesu? [Ukubelenga Baibolo ukwa cila mulungu; moneni w86 2/15 ibu. 21 para. 4.]
20. Kuti twalanga shani ukuti twalyumfwikisha icishinte calandwapo mu mashiwi ya kuti “baiminine umuntu no muntu apo ekele,” nga filya calembwa pa Abapingushi 7:21? [Ukubelenga Baibolo ukwa cila mulungu; moneni w-CW82 12/1 ibu. 30 para. 17.]
Lembeni ishiwi nelyo amashiwi ayalekabilwa ku kupwishishisha ubulondoloshi bwakonkapo:
21. Nga tulefwaya ukupaalwa nga nshi na Yehova, tufwile ukutwalilila __________________________ no kulomba kuli Yehova ukuti atwafwilishe __________________________ ifisambilisho fya mu Cebo cakwe icapuutwamo. (1 Tim. 4:8, 9) [w-CW98 1/1 ibu. 24 para. 6]
22. Ukutasha kwa bumbimunda kulafulwisha Yehova pantu kutunkwa na __________________________, kwaba ukwa __________________________ kabili te kwa __________________________, ne cabipisha ca kuti takwabamo __________________________. [w-CW98 2/1 ibu. 30 amapara. 2-3]
23. Ishina Yoshua lipilibula ukuti “__________________________,” kabili ali icipasho ca mu kusesema ica kwa __________________________. [si-CW ibu. 42 para. 5]
24. Ukulingana no mulumbe wa kwa Yesu pali Mateo 7:24-27, abafyashi abacenjela balakosha abana babo ku kucimfya umupatikisha wapala icipuupu pa kubapeela _______________________________ ifikabafwilisha ukutwalilila _________________________. [w-CW98 2/15 ibu. 9 para. 1]
25. Ilyashi lyalembwa mwi buuku lya Abapingushi lyacitike maka maka ukufuma pa mfwa ya kwa __________________________ ukwisafika ku nshita ya kwa __________________________, lilanda pa fyacitike mu myaka napamo __________________________. [si-CW ibu. 47 para. 5]
Salenimo icasuko calungama muli ubu bulondoloshi:
26. Nampo nga umuntu umo kuti acitapo fimo pa lwa myakanishishe ya fikwatwa fyakwe ilyo akafwa (icilonganino e cingapingula; umwine wine e wingapingula; cilafwaikwa ku Bena Kristu bonse aba cine). (Gal. 6:5) [3, w-CW98 1/15 ibu. 19 para. 6]
27. Paulo akoselesha Filemone ukupokelela (Onamu; Onesifore; Onesimu) mu luse lelo tabomfeshe amaka ya butumwa ukumukambisha ukucite co nelyo ukukakula umusha wakwe. (File. 21) [4, w-CW98 1/15 ibu. 31 para. 1]
28. Icilubo cikalamba icalandwapo mu lyashi lya ba fibashi abo Yesu aundepe ca kuti (balibulilwe icitetekelo; tabali ne cumfwila; tabatashishe). (Luka 17:11-19) [7, w-CW98 2/15 ibu. 5 para. 1]
29. Apo Lesa alisuminishe imicitile ya kwa Rahabu, amashiwi yalandile Rahabu ku baume ba mu Yeriko abalesupila inengu sha bena Israele yalangilila ukuti (umuntu nga alefwaya kuti abepa ubufi; umuntu tafwile ukusokolola ifyebo fya cine ku bantu abashifikwatile insambu; ali talaleka imisango yonse iya ku calo). (Yosh. 2:3-5; linganyeniko Abena Roma 14:4.) [9, Ukubelenga Baibolo ukwa cila mulungu; moneni w-CW93 12/15 ibu. 25 para. 1.]
30. Nga fintu calembwa pali Yohane 13:5, isambililo Yesu asambilishe abasambi ku micitile yakwe, likomaila pa mibele ya (nkumbu; icililishi; ukuicefya), iilenga umuntu ukubombela bambi imilimo iyasuulwa sana. [13, w-CW98 3/15 ibu. 7 para. 6]
Linganyeni aya malembo ku bulondoloshi buli pe samba:
Amala. 7:3, 4; 17:7; 25:11, 12; 28:3; Yer. 15:20
31. Umwina Kristu afwile ukutontonkanyapo sana pa nshila engabomfya isha kucilikila ubufyashi, pantu Kalenga alicindikisha ifilundwa fya bufyashi. [6, Ukubelenga Baibolo ukwa cila mulungu; moneni w-CW99 6/15 ibu. 28 amapara. 1-4.]
32. Kuti twacetekela Yehova ukuti akatukosha ilyo tulebomba umulimo twatumwa uwa kushimikila imbila nsuma ya Bufumu bwa kwa Lesa. [12, w-CW98 3/1 ibu. 28 para. 1]
33. Ukumfwila ukusoka kwa mu Baibolo kulatucingilila ku mafya ayo ilingi line yacusha Umwina Kristu lintu apingulapo ukuba kwi koli limo no ushatetekela. [2, Ukubelenga Baibolo ukwa cila mulungu; moneni w-CW89 11/1 ibu. 20 para. 11.]
34. Yehova kuti atupaala ukuli konse uko twikala, ukuli konse uko tubombela, apali ponse apo tulebombela mu mulimo wa kwa Lesa. [7, Ukubelenga Baibolo ukwa cila mulungu; moneni w-CW96 6/15 bu. 15 para. 15.]
35. Pa kulanga ukuti ifyebo Paulo alandilepo muli 1 Abena Korinti icipandwa 5 pa lwa kutamfya imbifi fyali fya cine, ayambwile Ifunde lya kwa Yehova. [4, Ukubelenga Baibolo ukwa cila mulungu; moneni si-CW ibu. 213 para. 24.]