Bya Kubijika

◼ Mabuku a kutambika mu October: Magazini a Ulupungu lwa kwa Kalinda ne a Loleni!. Kimye kya bipempu bya kubwelako mwakonsha kwipuzha umvwe babena kukeba kunembesha makope a magazini. Mu moba a ku mpelo ya ñondo wa October tukatatula kutambwisha talakiti ya Mbila ya Bufumu Na. 36 iji na mutwe wa kuba’mba, “Nanchi Kiumbi kya ino Myaka ya Katataka—Kimusungila Ñanyi Bwikalo mu Kimye kya Kulutwe?” November: Kutambwisha talakiti ya Mbila ya Bufumu Na. 36 kukatwajijila. Bipwilo bikapwisha kutambwisha ino talakiti ya Mbila ya Bufumu Na. 36 ku bantu bonse, ku nzubo ne nzubo nangwa mu nyaunda ya kwingijilamo kipwilo, byafwainwa kutambika buloshuwa wa kuba’mba Nanchi Lesa Ukebaka nangwa buku wa Kuyuka. Umvwe bantu baji na uno buloshuwa ne buku, mwakonsha kwingijisha buku wa Ikala Kuli Pe na Pe nangwa wa Creation. December: Buku wa Kuyuka Kutangijila ku Bumi Bwa Myaka ne Baibolo wa New World Translation. January: Buku yense uji na mapeja 192 wanembelwe pa lutwe ya mwaka wa 1986 umvwe po aji pa kipwilo. Umvwe bipwilo biji na buku uji na mutwe wa kuba’mba Ukusapika Lesa Ukwa Mutundu wa Muntu, abyo bipwilo byakonsha kumutambika.

◼ Kya mukachi kya buno Butumwa Bwetu bwa Bufumu ye “Mutanchi wa Sukulu ya Butumwa bwa Teokalasi wa mu mwaka wa 2001” kabiji uno mutanchi wafwainwa kusungwa bulongo pa kuba’mba mukamonengapo mwaka wa 2001 yense.

◼ Umvwe kimye kya kupwila mu kipwilo kyenu kikapimpulwa pa January 1, kanemba wa kipwilo wafwainwa kuyukisha Sosaiti pa mambo a luno lupimpu. Wakonsha kuba bino kupichila mu kutuma fomu ya Ifyebo pa lwa Kulongana kwa Cilonganino (S-5).

◼ Bipwilo pano byakonsha kutatula kuoda bipabi panembwa Kinembelo kya mwaka wa 2001 ku Sosaiti. Bino bipabi bibena kupulintwatu ku kampanyi ka busulu, kabiji biji mu mitundu ibiji. Kipabi kiji na mutengo ke kyokya kilamata pa lubumbulu kya mutundu wa bupulasitiki. Kino kibena kupotwa pa mutengo wa K10,000.00. Kipabi kyapelako mutengo kiji mu mutundu wa kipepala kyakosakana kibula kulamata pa lubumbulu, kibena kupotwa pa mutengo wa K2,500.00. Pa kutuma oda wa bino bipabi, monai kuba’mba mwatumina pamo na mali kwingijisha fomu ya S-20, ne kunemba bulongo kuba’mba “Ilembo lya mwaka” pa kishilwa kiikajila. KECHI MWAFWAINWA KUODELA PA FOMU YA S-14 NE. Bipabi panembwa kinembelo kya mwaka bikekalako mu Kibemba, mu Kichewa, mu Kiloshi, mu Kilubale, mu Kitonga ne mu Kizungu. Kyafukulwa kuba’mba bipwilo byonse byafwainwa kupabika kipabi panembwa kinembelo kya mwaka kipya kutatula pa January 1, 2001. Kipwilo kyafwainwa kuodatu kipabi kimo panembwa kinembelo mu mulaka ye bengijisha mu kyo kyo kipwilo. Umvwe Nzubo ya Bufumu imo ingijishiwa na bipwilo byavula biji na milaka yapusana-pusana , byafwainwa kuodatu kipabi kimo kimo kwesakana na yo yo milaka.

◼ Ma Baibolo: Sosaiti yaitabazhana na kipamo kya Bible Society kipulinta ma Baibolo kuba’mba itambulangako ma Baibolo a mu Kichewa. Ano ma Baibolo kechi a kushajika mu mwingilo wa mu bujimi ne. Ano ma Baibolo ke bipe biikajila, afwainwatu kuodwa umvwe paji basapwishi babena kwiakeba. Mu ñambilo ikwabo utala pa mabuku kechi ye wakonsha kufukula kibelengelo kya ma Baibolo akonsha kuodwa ne, wakonsha kuodatu kibelengelo kya mabuku akeba basapwishi. Ano ma Baibolo akosha kupanwa pa lunengezho lwa bupe bwa mali ku basapwishi ne basambi ba Baibolo babena kununguluka kabiji batanwa ku kipwilo. Kubijika kuji mu Butumwa Bwetu bwa Bufumu bwa April 2000 pa mambo a ‘kupota ma Baibolo ku basulu ba mu mikwakwa ne ku mashitolo’ kukitwajijila kufikatu kimye kikekalako ma Baibolo mu milaka ikwabo umvwe kyakonsheka.

◼ Bipe bya kuoda mu Kwiikajila: Bipe bya kuoda mu kwiikajila ke ma vidyokaseti, ma CD, ma Baibolo a milaka yabula muno mwetu abula kupulintwa na Sosaiti, ne bipetu bikwabo bya oda wiikajila bya kimye kyonse. Bino bipe byafwainwa kwingijishiwa byonka byo twingijisha mabuku a Insight ne buku wa Proclaimers, a kwingijishiwatu atweba bene. Kechi a kwingijisha mu mwingilo wa mu bujimi byonka byo twingijisha mabuku akwabo ne. Byonse bipe biikajila nangwa biji mu milaka ikwabo byafwainwa kupanwa ku kipwilo ko byafwainwa kuya bukiji-bukiji pa kuba’mba bape bantu bebikebele. Kechi byafwainwa kwingijishiwa na kipwilo kingi ne. Kanatu umvwe kya kuba’mba akyo kipwilo kechi kyakajilwa bino bipe ne. Kipwilo kimo kimo kyafwainwa kwikala na kapunzha pa kutula bipe bya oda wiikajila.

◼ Ma Kalenda a mu 2001: Kubijika kuji mu Butumwa Bwetu bwa Bufumu bwa September 2000 kwamwesheshe kuba’mba ma kalenda a mu 2001 akekalako mu ino milaka, Kikaonde, Kiloshi, Kilubale ne Kitonga. Yukai kuba’mba kechi akekalako mu ino milaka ne. Baoda ma kalenda a Kitonga bakatambwila a Kichewa, baoda a Kikaonde ne Kilubale bakatambwila a Kibemba ne baoda a Kiloshi bakatambwila a Kizungu.

◼ Kutatula mu mulungu wa February 5, 2001 tukafundanga buku wa kuba’mba Icaba Inkaama ku Nsansa sha Lupwa pa Jisambijilo ja Buku pa Kipwilo. Bipwilo byabula ano mabuku byakonsha kuoda pa oda wa ñondo ubena kwiya.

◼ Bipwilo byafwainwa kutatula kuoda tubuku twa Ukubebeta Amalembo Cila Bushiku twa mu 2001 pamo na oda yabo ya mu October. Tubuku tukekalako mu Kibemba, mu Kichewa, mu Kiloshi, mu Kilubale, mu Kiswahili ne mu Kitonga. Tuno tubuku tukamweshiwa kuba’mba “Bibena kwiya pa nyuma,” pa mitanchi ya bipwilo ya kupaikilamo mabuku, poso kimye kyo tukatumwa. Tubuku twa Ukubebeta Amalembo Cila Bushiku twa oda wiikajila. Tuno tubuku twafwainwa kuodwatu umvwe mu kipwilo muji babena kwitukeba. Mu ñambilo ikwabo, wa mwingilo utala pa mabuku kechi wafwainwa aye mwine kuodela kipwilo mulumba wa tuno tubuku ne. Wafwainwa kuodatu kibelengelo kya tuno tubuku basapwishi to bamubula kuba’mba ebaodeleko. Pepala panembwa mazhina a basapwishi babena kukeba tuno tubuku yafwainwa kusungwa bulongo. (Monai Akatabo Kalondolola Ifya Kuorda Impapulo sha Watchtower, iciputulwa 3, ibula 1) TUBENA KUTUNDAIKA YENSE WA MU KISEMI KUVWANGAKO NE BANA BATANGA BONSE PA MUNTU PA MUNTU KWIKALA NA KABUKU AUKANJI-UKANJI.

◼ Bakanemba mu bipwilo bafwainwa kumona kuba’mba ano mafomu a bapainiya alondelapo po aji: Formu wa Ukulomba kwa Mulimo wa Bupainiya bwa Nshita Yonse (S-205), ne ya Ukwipusha kwa Mulimo wa Bupainiya bwa Kwafwilisha (S-205b). Ano mafomu afwainwa kuodwa kwingijisha fomu ya (S-14). Mwafwainwa kwikala na mafomu akwingijisha mu mwaka yense. Pitulukai mu fomu ya babena kwipuzha kwingilako bupainiya bwa kimye kyonse ne kumona monai umvwe mepuzho ajipo akumbulwa bulongo. Umvwe babena kwipuzha kwingilako uno mwingilo balubamo juba jo babatizwe, bakonsha kunembapo juba jo bafwanyikizha kuba’mba jakonsha kwikala ijo ne kwijilabijila.

◼ Ba kwitemenwa Bavula Babena Kukebewa: Buntungi bwa mazubo a Bufumu apya mu kino kyalo kya Zambia bubena kununguluka. Bipanyi bya bantungi byalengwa ku Mikochi, ku Mansa, ku Kasama, ne ku Chipata. Bino bipanyi bikakebanga bukwasho kufuma ku basapwishi babatizwa bayuka mingilo imo kabiji baji na kya kumwenako kyawama mu kipwilo. Tubena kutundaika ba yenkao mutundu kwitemenwa ne kukwashako mu uno mwingilo mukatampe. Bayuka uno mwingilo nangwatu babula kuyuka babena kukebewa. Betemenwa kwingilako mwingilo bakonsha kutambula mafomu akebewa ku utangijila kipanyi kya bantungi, ku wakutangijila nangwa ku kanemba wa mu bipwilo byabo ne kunembapo mwingilo yense ye bayuka. Bano ba kwitemenwa bafwainwa kwikala basaluveya baji na masatifiketi a busaluveya a nembeshiwa na kafulumende, bayuka bya kwivimbila ku mapuso pa kwingila, bayuka kulama bipe ne kumona kana mali anga abena kutaiwa, kabiji bayuka bya kwingila na mapepala a mizhilo. Umvwe ano mafomu a kwipwizhapo ino mingilo afwako, kanemba wa mu kipwilo wafwainwa kuoda ano mafomu pamo na oda ya mabuku itumwa ku Sosaiti.

◼ Mabuku Ajipo:

Magazine File case

Icaba Inkaama ku Nsansa sha Lupwa—mu Kizungu

◼ Vidyokaseti Mupya Ujipo:

Our Whole Association of Brothers—mu Kizungu