Bya Kubijika

◼ Mabuku a kutambika mu January: Buku uji yense wa mapeja 192 wanembelwe pa lutwe ya mwaka wa 1986 umvwe poaji pa kipwilo. Bipwilo biji na buku wa Ukusapika Lesa Ukwa Mutundu wa Muntu, byakonsha kumutambika. February: Buku wa Life—How Did It Get Here? By Evolution or by Creation?, Ukusokolola—Akalume ka Kuko Kakalamba Nakapalama!, nangwa mabuku akala aji onse a mapeja 192 aji pa kipwilo. March: Buku wa Kuyuka Kutangijila ku Bumi Bwa Myaka. Twafwainwa kwingila na ngovu pa kuba’mba tutatule mafunjisho a Baibolo a pa nzubo. April: Kyamba kya Usopa ne Loleni! Pa kubwelako ku bantu baji na lusekelo lwa kukeba kufunda bukine, tambikai buku wa Kuyuka nangwa buloshuwa wa Nanchi Lesa Ukebaka ne kutatula mafunjisho a Baibolo a pa nzubo.

◼ Basapwishi bonse babatizwa bakatanwa ku Kupwila kwa Mwingilo mu mulungu wa kutendeka February 5 bafwainwa kutambula kikachi kya Advance Medical Directive/Release ne tubikachi twa baana babo tutelwa’mba Identity Card.

◼ Kutatula mu February, kechi kukila pa March 4 ne, jashi ja mvula-bantu jikambiwanga na bapaina bengijila bijiiji jiji na mutwe wa kuba’mba “Juba ja Kije—Nanchi Kimye kya Kwakamwa nyi kya Lusekelo?”

◼ Bipwilo byafwainwa kunengezha bulongo Kivuluko kya uno mwaka kikekalako pa mulungu, April 8, pa kuzhika juba. Nangwa kya kuba’mba jashi jakonsha kutatula bukiji, kupishamo bimpashañano kwafwainwa kutatulatu pa nyuma ya kuzhika juba. Ipuzhai ku bayuka pa kuba’mba muyuke bulongo kimye kizhikilamo juba ko ko kwenu. Pa jino juba byo kukekalatu kupwila kwa kuya mu mwingilo wa mu bujimi kwapwa, Lufunjisho lwa Kyamba kya Usopa lwafwainwa kwikalako pa juba jingi. Bapaina bengijila bijiiji bafwainwa kupimpula mutanchi wabo wa kupwila mu uno mulungu kwesakana na nyaunda yo bajimo. Nangwa kya kuba’mba kipwilo kimo kimo kisaka kwiikela na Kivuluko kya kyo, kimye kimo kuba kyakonsheka kuba byo byo ne. Umvwe kya kuba’mba bipwilo byavula bingijisha Nzubo ya Bufumu imo, kipwilo kimo nangwa bikwabo byakonsha kwingijisha kishimikwa kingi pa jino juba. Ko kyakonsha kubiwa, twikimoma kuba’mba kyafwainwa kuwama inge kipwilo kimo kyapwisha pologalamu, pafwainwa kupita maminiti 40 pa kuba’mba kikwabo kitatule. Kino kikalengela bonse kumwenamo bulongo mu Kivuluko, kwikalako na kimye kya kumonañana na benyi ne kukosesha bapya baji na lusekelo lwa kukeba kufunda bukine. Mwafwainwa kutesha maana kuñendelo ya myotoka ne pa kwimikila. Kabiji kokelai mizhilo ya pa mukwakwa, ne kumona papatamina ne papatukila bantu. Jibumba ja bakulumpe mu kipwilo jafwainwa kumonapo jishinda jimo jakonsha kwingila bulongo mu mpunzha yobajiko.

◼ Mabuku Ajipo:

Icaba Inkaama Ku Nsansa Sha Lupwa—Kibemba

Kuyuka Kutangijila ku Bumi Bwa Myaka—Kibemba, Kikaonde, Kiloshi, Kitonga

Buku mucheche wa Imbileni Yehova Amalumbo—Kizungu

Icitabo ca Kutungulula Isukulu lya Butumikishi bwa Teokrasi—Kibemba

Nanchi Lesa Ukebaka Kwiatweba?—Kibemba, Kichewa, Kikaonde, Kiloshi, Kilubale, Kitonga, Kizungu

◼ Matepu Apya Ajipo:

Warning Examples (Kimwesho, tepu umo)—Kizungu