Kupitulukamo Mu Sukulu Ya Teokalasi

Pa kupitulukamo kwa kunemba, mwafwainwa kuzhika mabuku onse muji byambo byaambiwepo mu majashi a mu milungu ya January 1 kufika ku April 23, 2001 mu Sukulu ya Mwingilo wa Teokalasi. Nembai mikumbu yonse yomwakonsha kukumbula mu kimye kyapanyiwa pa pepala ungi.

[Yukai’mba: Kimye kya kupitulukamo kwa kunemba mwafwainwa kwingijishatu Baibolo kwapwa pa kukumbula mepuzho onse. Mabuku amweshewa mu kulondankana na mepuzho ke a kupesa-pesamo anweba bene. Pamo pamo mu Kyamba kya Usopa kyamweshewa kechi panembwa manambala a mapeja ne mapalagalafu ne.]

Kumbulai ino mikuku ya byambo yalondelapo amba Kine nangwa Bubela:

1. Inge kya kuba’mba muntu witulenga mambo akatampe, twafwainwa kulonda lusa lwamwesheshepo Yosefwa ne kulekelako mambo a muntu witulenga a bulala, wamwesha kulapila. (Nte. 42:21; 45:4, 5) [w99-CW 1/1 pe. 31 mapala. 2 ne 3]

2. Buku wa 1 Byambo bya Moba, kechi waambatu pa ndonda ya kubalwa kwa bisemi ne, wabwezha-bwezhapotu byanembwa mu buku wa Samwela ne wa Bamfumu. [si-CW pe. 75 pala. 1]

3. Baibolo yamba kuba’mba kukekalatu “antikilishitu,” umo ukamweka mu kimye kya kulutwe. [rs-CW pe. 236]

4. Yesu wamwesheshe kwikepesha kwanji pa kutambwila mwingilo wiikajila wa kwiya pano pa ntanda kufuma mwiulu ne kwiya kwikala muntu wakepako pa bamalaika. (Fili. 2:5-8; Hebe. 2:7) [w99-CW 2/1 pe. 6 pala. 3]

5. Lufunjisho lwa mpito lushiina kuba’mba Shishaka watujile nzhita mu Yudea ne kusenda “bya buneme byajinga mu nzubo ya Yehoba, ne bya buneme byajinga mu nzubo ya mfumu.” (2 Moba. 12:9) [Kutanga Baibolo kwa mulungu ne mulungu; monai w88-CW 2/1 pe. 26 pala. 4.]

6. Bena Kilishitu ba mu myaka-kitota kitanshi kechi babatizhanga baana balukeke ne. [rs-CW pe. 379]

7. Muntu wafwainwa kwingijila Lesa kwakubula kuketekela kutambwila mfweto. [w99-CW 4/15 pe. 16 pala. 1]

8. Davida walangulukilenga pa bilengwa bimweka na meso kimye kyo atongwele “byonse byawama” bya Yehoba byanembwa pa Masalamo 103:2. [w99-CW 5/15 pe. 21 mapala. 5 ne 6]

9. Nzubo ya Lesa yashimikile Solomone, yashimikile Zelubabele ne yashimikile Heloda, kubikapotu ne tente walusambakeno washimikile Mosesa byafwanyikizhengatu kintu kimo. [si-CW pe. 87 pala. 16]

10. Ndonda ya kulondankana kwa bisemi iji mu buku wa 1 Byambo bya Moba yajingatu yatutu ku kipwilo kya bena Kilishitu batanshi. [si-CW pe. 78 pala. 23]

Kumbulai ano mepuzho alondelapo:

11. Mambo ka Yehoba aonawijile kisemi kya kwa Ahaba? (1 Mfu. 16:31; 2 Mfu. 9:7, 26) [si-CW pe. 74 pala. 34]

12. Kwesakana na Mateo 24:45-51, ñanyi byubilo biji na basenduka mu lwitabilo? [rs-CW pe. 35]

13. Ñanyi lufunjisho lwawama lo twakonsha kufunjilako ku Mfumu Uziya wajinga pa bukalama mu Yudea? (2 Moba. 26:15-21) [Kutanga Baibolo kwa mulungu ne mulungu; monai w99-CW 12/1 pe. 26 mapala. 1 ne 2.]

14. Mu kifulo kya kwikimonatu nobe kisela, ñanyi lufunjisho lwawama lwamwesheshe Yesu byo aovwele maulu a batumwa banji? (Yoa. 13:4, 5) [w99-CW 3/1 pe. 31 pala. 1]

15. Mambo ka byambo biji pa 1 Byambo bya Moba 14:8-17, kyo byalamachijile bantu mu moba a kwa Isaya, kabiji mambo ka Kilishitendomu naye kyo byamulamachila bino byambo lelo jino? (Isa. 28:21) [Kutanga Baibolo kwa mulungu ne mulungu; monai w91-CW 6/1 pe. 21 pala. 2 ne 3.]

16. Ñanyi bintu byajinga mu mpopwelo ya Baela byakebwile bena Isalela bavula? [w99-CW 4/1 pe. 29 mapala. 3 kufika ku 6]

17. Ñanyi lufunjisho lo twakonsha kufunda ku mwingilo waingijile Hezekiya wa kuzhika masulo a mema pangye ne kwiavuzha mu Yelusalema? (2 Moba. 32:3, 4) [Kutanga Baibolo kwa mulungu ne mulungu; monai w96-CW 8/15 pe. 6 mapala. 1 ne 2.]

18. Kyakumwenako kya Yosiya kyakonsha kukosesha byepi bakyanyike ba ano moba kwingijila Lesa ne kukana bupopweshi bwa bubela? (2 Moba. 34:3, 8, 33) [Kutanga Baibolo kwa mulungu ne mulungu; monai w90-CW 8/1 pe. 5 pala. 2.]

19. Nanchi Bayudea bonse bashajile mu Babilona bajinga babula lwitabilo nyi, kabiji ñanyi lufunjisho lo twakonsha kufunjilako ku kino? (Ezi. 1:3-6) [Kutanga Baibolo kwa mulungu ne mulungu; monai w86-CW 1/15 pe. 8 mapala. 4 ne 7.]

20. Kwesakana na byambo biji pa 1 Byambo bya Moba 5:13, 14, kika kyamwesheshe kuba’mba Yehoba watelekelenga ku nyimbo ya kumutota ya bantu banji kabiji kyamuwamine ku muchima? [Kutanga Baibolo kwa mulungu ne mulungu; monai w94-CW 5/1 pe. 10 pala. 7.]

Nembai kyambo nangwa byambo bibena kukebewa pa kupwisha mikuku ya byambo yalondelapo:

21. Muntu ubena kujimuna mwina Kilishitu mukwabo wafwainwa kushiinwa’mba byo abena kwamba byashinkamana pa __________________________ a Lesa, kechi pa __________________________ ne __________________________ ne. (Ko. 2:8) [2, w99-CW 1/15 pe. 22 pala. 1]

22. Kechi kikakonsheka kwikala na __________________________ nkondo ya __________________________ ne. (Mat. 12:30; 2 Tesa. 1:8) [9, rs-CW pe. 56]

23. Bya __________________________ ne bujimbijimbi bwa bya __________________________ byakonsha kuchibikizha nkomeno ya muntu ku mupashi byonka miba byo yakonsha kutatankanya nkunwa kubula kukoma. (Mat. 13:19, 22) [10, w99-CW 3/15 pe. 22 pala. 5]

24. ‘Kwibabatizhilwa bafu’ byonka byaambile Paulo pa 1 Kolinda 15: 29, kulumbulula kubatizwa ku bumi butangijila ku __________________________ byonka byo kyajinga kwi Yesu kepo ne ku __________________________ lwa ku mupashi byonka byoajinga. [13, rs-CW pe. 381]

25. Pa kuba’mba mwina Kilishitu wa kine engile bulongo pabujile kwingila bulongo Solomone, kechi wafwainwa kwikala na __________________________ nangwa na __________________________ mu mpopwelo yanji ne, wafwainwa kwingila mukumvwañana na byambo bya __________________________ bya kuba’mba “ukamutemwa Nkambo Lesa wobe na muchima wobe yense.” (Mat. 22:37; 1 Moba. 28:9) [8, Kutanga Baibolo kwa mulungu ne mulungu; monai w86-CW 6/1 pe. 19 mapala. 17-18.]

Salaipo mukumbu wa kine pa mikuku ya byambo yalondelapo:

26. Byambo biji pa 2 Bamfumu 17: 5, 6 bilumbulula (Tigilata-pilesa; Shalamaneza wa butanu; Eshadona) byo atujile nzhita bufumu bwa mikoka jikumi ya bena Isalela yajinga ku kabeta ka buyeke ne kutaya muzhi wa Samaliya mu kañumbwa-ñumbwa ne kumushinkila myaka isatu, awo washinjilwe na bena Asilya mu (740; 607; 537) B.C.E. [Kutanga Baibolo kwa mulungu ne mulungu; monai w88 2/15 pe. 27 pala. 1.]

27. Mu 2 Bamfumu kyapitala 25 mwalumbululwa mu kushinkamika’mba (Danyela; Ezikyo; Yelemiya) ye neembi wanembele byamwekele mu Yelusalema Bayudea saka baji mu buzha mu Babilona ne kunembwa kwa uno buku kwapwile mu (580; 537; 455) B.C.E. (2 Mfu. 25:27) [Kutanga Baibolo kwa mulungu ne mulungu; monai si-CW pe. 64 pala. 3.]

28. Byonka byo kyaambiwa pa Kulupuka 4: 11, kimweka nobe Yehoba Lesa ye ‘ulenga bantu amba bekale batumaama, bashinkamatwi, baji na meso ne bampofu’ mambo a kuba’mba (yeulengela bantu kwikala balemana; walengele bantu bapusana-pusana kwesakanya na mwingilo; waswisha bulema kumweka mu bantu). [w99-CW 5/1 pe. 28 pala. 2]

29. Myaka 70 yatongolwa pa 2 Byambo bya Moba 36:17- 23 yapwile mu (537; 607; 677) B.C.E. [si-CW pe. 84 pala. 35]

30. Kusekela juba ja kusemwa kubiji kwatongolwa mu Baibolo (kwitabizha kusekela juba ja kusemwa; kechi kwitabizha kusekela juba ja kusemwa ne; kechi kwambapo pa kusekela juba ja kusemwa ne). (Nte. 40:20-22; Mat. 14:6-10) [rs-CW pe. 68]

Esakanyai bino binembelo ku mikuku ya byambo iji panshi pe:

Lupu. 21:22, 23; Mana. 25:11; Loma 12:2; 2 Pe. 3:15, 16; Lum. 16:13, 14

31. Twafwainwa kwingila na ngovu pa kuba’mba tupimpule milanguluko yetu ne kwikala na bukine bwa Lesa mu milanguluko yetu. [11, w99-CW 4/1 pe. 22 pala. 2]

32. Kyanema bingi kusala byambo byafwainwa pa kufundañana. [2, w99-CW 1/15 pe. 23 pala. 1]

33. Yehoba waambile kuba’mba umvwe muntu wakozha mwana ukyangye kusemwa, awo muntu wazhatwa na mambo. [1, rs-CW pe. 341]

34. Satana Diabola ubena kongwela bantu ku byubilo bya ino ntanda bikaleta nkondo na Lesa. [9, rs-CW pe. 56]

35. Kukondakanya Binembelo kuba’mba bikale mwayila mfunjishisho yetu kuleta lonaiko. [16, rs-CW pe. 69]