Ipanai

Pa Mulungu, March 25, 2001, jajinga juba bakulumpe ne bankwasho 24 bajinga mu kalasi ya bu 21 jo bapwishijilemo Sukulu ya Lufunjisho lwa Mwingilo. Bebatumine kuya na kwingijila mu byalo bina mo bafumine, Malawi, South Africa, Zambia ne Zimbabwe. Kalasi ya bu 22 yatatwile kufunda pa May 3 kuno ku Makeni, ikapwisha pa July 1, 2001.

Pa kupwila kukatampe kubena kubiwa, bapaina ba nkambi babena kupwila pamo na bakulumpe ne bankwasho mu bipwilo aba babula kusongola baji na myaka ya kusemwa pakachi ka 23 ne 50 babena kukeba kufunjishiwa na Yehoba pa bañondo babiji. (Mika 4:1, 2) Kupwila kwa nkambi kubena kwiya kukapana jishuko kuboba bakonsha kwipuzha kutanwa ku ino sukulu. Langulukaingapo pa kino na lulombelo umvwe mukeba kufundako luno lufunjisho pa kuba’mba mukekale na “lujimi wa bafunda” lukakwasha bakwenu.—Isaya 50:4.