Kabokoshi Ka Mepuzho

◼ Nanchi kijitu bulongo kwimba nyimbo yakala yabula mu buku wa Imbileni Yehova Amalumbo nyi?

Mu 1966 kimye buku wa nyimbo wa “Muleimba no Kuisanshamo Mwe Bene ne Ciunda Cisuma mu Mitima Yenu” kyo alupwilwe, Kyamba kya Usopa, kya Kizungu kya May 15, 1966, peja 315, kyaamba’mba: “Nyimbo yonse yayukanyikilwe’mba yafumine mu Babilona Mukatampe yafumishiwemo, pamo ne machuni amo ashajilemo mambo akuba aesakene na a ku kyalo ne na ‘bisho.’ ... Ee kine, kino kyalengejile kupimpula machuni amo mwakwimbila nyimbo bavula o batemenwe. Onkao mambo, bino byambo byapimpwilwe biji mu uno buku, byo byalengela kuba’mba ekale wa kutota Yehoba ne kupusana na nyimbo ya ku kyalo ne ya mu bupopweshi bungi. Luno nyimbo kechi yaesakana na ya bangi ne. Umvwe mwaumvwa chuni ya ‘Lwimbo wa Bufumu,’ mwafwainwa kuyuka’mba kine wa Bufumu!”

Mu 1995 buku wakatataka wa Imbileni Yehova Amalumbo, walupwilwe mu Kibemba na machuni amo apimpulwa. Bonse twatundaikwa kufunda ne kwimba ano machuni akatataka. Kechi kyawama kwimba machuni akala afumishiwamo mu buku wakatataka ne kufunjisha baana nangwa bapya nyimbo yakala ne. Kechi yafwainwa kwimbiwa pa kupwila kwa bwina Kilishitu nangwa paji ponse po twakonkena ne.