Byakubijika
◼ Mabuku akutambika mu April ne May: Magazini a Kyamba kya Usopa ne Loleni! Umvwe muntu wamwesha lusekelo kimye kyomwabwelako, munembai pamutanchi wabantu bomutwajila magazini. Tambikai buloshuwa wa Nanchi Lesa Ukebaka, nekutatula mafunjisho a Baibolo. June: Nanchi Lesa Ukebaka Kwiatweba? nangwa Kuyuka Kutangijila ku Bumi Bwa Myaka. Umvwe bantu baji nao kala ano mabuku, mwakonsha kutambika buloshuwa uji yense umvwe poaji pakipwilo. July: Buloshuwa uji yense wa mapeja 32, wafwainwa kutambikwa: Bushe Lesa mu Cituntulu Alatusakamana?, Ilemenai Bumi Pano Pantanda Myaka Yonse!, “Moneni! Ifintu Fyonse Nafilengwe Fipya,” Bushe Ulingile Ukusumina Muli Bulesa Butatu?, Ishina Lya Bulesa Ilikatwalilila Kuli Pe na Pe, Kamfulumende Ukaleta Paradisa, Cinshi Cicitika Nga Twafwa?, Cinshi Caba Imifwaile Ya Bumi? Ni Shani Fintu Wingaisanga?, ne Ilyo Untu Watemwa Afwa. Ano mabuloshuwa alondelapo afwainwa kutambikwa umvwe kyakonsheka: A Book for All People, Our Problems—Who Will Help Us Solve Them?, Mipashi ya Bafu Ya Konsha Kukukwashanyi Nangwa ku Kukozha? Nanchi Kine Koiji Nyi?, ne Will There Ever Be a World Without War?
◼ Kyanema bingi ofweshi yamusampi kwikala namakeyala nemanambala afoni akatataka abonse bakulumpe batangijila mukipwilo nebanembeshi. Kimye kyonse umvwe keyala nangwa nambala yafoni yapimpulwa, Kometi ya Mwingilo Mukipwilo yafwainwa kusaina pepala ya Ukwalula Akeyala ka kwa Kangalila wa Kutangilila nelyo Kalemba (S-29), nekutuma bukiji-bukiji kuofweshi yamusampi.
◼ Banembeshi mubipwilo bafwainwa kumona kuba’mba kimye kyonse baji namapepala a Pepala Yakwipuzhizhapo Mwingilo Wabupainiya Bwakimye Kyonse (S-205) ne Apa Kwipushisha Umulimo wa Bupainiya bwa Kwafwilisha (S-205b). Ano afwainwa kwiaodela papepala ya Literature Request Form (S-14). Mwafwainwa kwikala namapepala akwingijisha mwaka yense. Pitulukai mumapepala onse abapainiya bakimye kyonse nekumona kuba’mba banemba byonse bikebewa kunembwapo. Umvwe babena kwipuzha mwingilo bakankalwa kuvuluka juba jobabatizwe, bafwainwa kunembatu juba jobalanguluka’mba ijo nekwijisunga.
◼ Kubakulumpe batangijila mukipwilo: Mwane tubena kwimulomba kutuma kuofweshi yamusampi byamwekele byakine byalamata kumwingilo wabusapwishi bwa Bufumu mu Zambia pamyaka 30 yapitapo. Mwane bitumai bukiji-bukiji. Kampe mwayukapo balongo nebanyenga bamo baji nabibamwekejile mumwingilo wateokalasi bomwakonsha kwipuzha kuba’mba balumbululepo bimo byawama bibamwekejilepo. Byamwekele byomwakonsha kutuma byafwainwa kwikala byobya bibena kwamba pabukishinka nekwipana, kusanchila jibumba ja Yehoba, buneme bwakulondela mafunde amu Baibolo nangwa luzhikijilo lwa Yehoba nebyoatangijila bantu banji. Kimo kimye bamo mukipwilo kyenu bebapangile kusukulu, kwibayanjisha nangwapo baingijile bingi bulongo mumwingilo. Kimo kimye mukwingila kwabo nangovu mwafuma bipangwa byawama. Mwane monai kuba’mba kyonse kyamwekele kyavwangamo: (i) Kimye kyokyamwekele nempunzha kokyamwekejile. (ii) mazhina amapunzha nebantu bobyamwekejile, nekumona (iii) kana awo muntu yebyamwekejile musapwishi wakimye kyonse uji nabyubilo byawama mukipwilo. Mukulumpe utangijila mukipwilo wafwainwa kutangamo bulongo nekusaina masawakya onse saka akyangye kwiatuma kuofweshi yamusampi ku Desk SB.
◼ Sukulu ya Lufunjisho lwa Mwingilo: Kutatulatu mu December 1993 kimye kyatatwile kalasi itanshi, pano abafike kemakalasi 23 a Sukulu ya Lufunjisho lwa Mwingilo aubiwa mu Zambia. Baana basukulu bamu kalasi yabu 24 banembeshe pa March 28 kabiji bakapwisha pa May 26, 2002. Kalasi ikalondelapo ikatatula pa September 19 kupwisha pa November 17. Bakulumpe mukipwilo babula kusongola nebankwasho bakeba kwiya ku Sukulu ya Lufunjisho lwa Mwingilo bafwainwa kutanwa kukupwila kubiwa namukulumpe wankambi pakupwila kwakijiiji.
◼ Umvwe mubena kuya mukyalo kingi kabiji mubena kulanguluka kukatanwa kukupwila kwakipwilo, kupwila kwakijiiji, nangwa kupwila kwankambi mukyokyo kyalo, mwafwainwa kwipuzha ofweshi yamusampi itala pamwingilo wakuyoyo mpunzha umvwe mukeba kuyuka moba, bimye, nemapunzha pakupwila. Makeyala ama ofweshi amisampi anembwa papeja ya kumpelo ya Yearbook yakatataka.
◼ Mabuku Akatataka Ajipo:
The Greatest Man Who Ever Lived—mu Kilubale