Nemekai Bakolwa

Bakafunga babutemwe banemeka bingi boba bantu basulwa kubakwabo. Mukipwilo nekipwilo mujipo bamo bakolwa, bamo basungiwatu, kabiji muji nebalemana. Namambo abwikalo bobajimo, kechi bengila kimye kyabaya mumwingilo wakusapwila mambo a Bufumu ne. Kampe pakubatu’mba basapwile kana bashukilwapo bantu beya nakwibapempula, nangwa kusapwila balwazhi bakwabo, nangwa aba bebalama. Nangwa byonkabyo, kimye kiji kyonse kyobakonsha kwingila kyafwainwa kumonwa’mba kyanema bingi mumwingilo yense wakusapwila. (Mat. 25:15) Nangwa kyakuba basapwilatu maminiti 15, ano maminiti afwainwa kwiatuma, kabiji bakatwajijila kubalwa amba basapwishi ba Bufumu bakimye kyonse.