Kupitulukamo Mu Sukulu Ya Mwingilo Wa Teokalasi
Ae mepuzho akekala a kwisamba mu Sukulu ya Mwingilo wa Teokalasi mu mulungu wa kutendeka June 28, 2004. Utangijila sukulu ukepuzhatu ano mepuzho a kupitulukamo kwa maminiti 30 mu byambo byafunjiwe mu majashi a milungu ya May 3 kufika ku June 28, 2004. [Yukaiˈmba: Pa mepuzho pabula mabuku mwakutana mikumbu, mwafwainwa kwipesela pesela anwe bene kutana mikumbu.—Monai buku wa Isukulu lya Butumikishi mape. 36-7]
ÑAMBILO
1. Bika byakonsha kwitulengela kubula kwamba jashi pa pulatifomu mu bumwisambo nangwa mu buñambilo yakizhamo mushingi? [be-CW pe. 179 pala. 4]
2. Mambo ka kwamba na jiwi jawama kyo kubujila kulumbululatu mpemeno yawama ne kwikizha kyefu? [be-CW pe. 181 pala. 2]
3. Byo twisamba bukine bwa mu Baibolo na bakwetu, twakonsha kuba byepi pa kuba’mba ‘twaluke ke bintu byonse ku bantu bonse’? (1 Ko. 9:20-23) [be-CW pe. 186 mapala. 2-4]
4. Ki ka kyavwangiwamo mu kutelekesha mu mwingilo wetu? [be-CW pe. 187]
5. Mambo ka o kyanemena kumwesha mushingi ku uji yense ye tusambakana mu mwingilo wetu? [be-CW pe. 190]
JASHI Na. 1
6. Kikonkwanyi ka kiji na boba bapana lufunjisho lwa teokalasi, kabiji ki ka kyakonsha kwitukwasha kuba bino? (Mat. 5:16; Yoa. 7:16-18) [be-CW pe. 56 pala. 3–pe. 57 pala. 2]
7. Mambo ka o kyanemena kupusanya bintu kimye kya kufunjisha, kabiji Yesu waingijishe byepi jino jishinda ja kufunjishishamo? [be-CW pe. 57 pala. 3; pe. 58 pala. 2]
8. Kupusanako na Bafaliseo, mfunjishisho ya kwa Yesu yafikile byepi bantu pa michima? [be-CW pe. 59 mapala. 2-3]
9. Twakonsha kukwasha byepi boba bo tufunjisha kulondela bintu byo bafunda, kwa kubula kwi bafuukwilako bya kuba? [be-CW pe. 60 mapala. 1-3]
10. Twakonsha kukumbula byepi umvwe bantu betwipuzha mepuzho akebewa abo bene kwifuukwilapo? [be-CW pe. 69 mape. 4-5]
KUTANGA BAIBOLO KWA MULUNGU NE MULUNGU
11. Mambo ka Mosesa o afwainwe kulondela bulongo bya ‘kulenga kya kwikalamo ne bijiilo byakyo byonse monka mwayila bifwanyikizho’? (Lupu. 25:9) [it-2 pe. 1058 pala. 7]
12. Ki ka kyo twakonsha kufunjilako kwi Alona byoakumbwile Mosesa pa mambo a bya mwekele pa kulenga mwana ñombe wa ngolode? (Lupu. 32:24)
13. Ki ka kyo twakonsha kufunjilako ku bena Isalela pa byo bamwesheshe lwitabilo mu kumvwina mukambizho wa Yehoba uji mu Kulupuka 34:23, 24?
14. Ki ka kyajinga nkebelo ya kitapisho kya milambo ya mutende? (Levi. 3:1)
15. Kuzhijikwa kwa Alona kwanembwa mu Bena Levi 8:23, kwingila byepi kwi Yesu mu bukifwanyikizho? [it-2 pe. 1113 pala. 4; w68 pe. 399 pala. 24]