Bya Kubijika

◼ Mabuku a kushajika mu ñondo wa September: Is There a Creator Who Cares About You? Umvwe uno buku mufwaye mwakonsha kushajika Life—How Did It Get Here? By Evolution or by Creation? October: Kukekala mukwekele wiikajila wa kushajika buloshuwa wakatataka, bino kukashajikwanga ne Kyamba kya Usopa ne Loleni! mu ñondo yense. Mwane monai’mba magazini onse ashajikwa. Ku bamwesha lusekelo, bashilai buloshuwa wa Nanchi Lesa Ukebaka, ne kubwelako kuba’mba mukatendeke mafunjisho a Baibolo. November: Shajikai buku wa Sambilila Kuli Kasambilisha Mukalamba. Umvwe bantu baamba’mba bafwabo baana, bashajikai buloshuwa wa Nanchi Lesa Ukebaka. Monai kuba’mba mubena kwingijisha uno buloshuwa kutatwilamo mafunjisho a Baibolo.

◼ Waini wa pa Kivuluko: Bipwilo byaikela mu mapunzha a ku muzhi byafwainwa kutatula kuoda waini kyonka kino kimye. Nembai pa pepala ya Formu wa Kutuminapo Imisangulo (S-20) ne kwiitumina pamo na mali kwapwa. Nembai pa kishilwa bulongo amba “MALI A WAINI.” KECHI mukatume nkalata nangwa Literature Request Form (S-14) ne, mukatumetu S-20 kyapwa. Umvwe mwabula kutuma mali, kechi mukatambwila waini ne. Mutumwa umo wa 200ml uji pa mutengo wa K5,000.00. Juba ja kupezhako kutuma maoda a waini ke December 31, 2004. Waini ukatumwa mu February 2005.

◼ Mwakonsha kutatula kuoda bipabi panembwa kinembelo kya mwaka wa 2005. Kukekalatu kipabi kiji mu mutundu umo nabiji kibena kwingijishiwapo mu uno mwaka wa 2004 ne mutengo ke K3,000 kimo. Kino kipabi kiji mu mutundu wa kipepala kyakosakana kibula kulamata pa lubumbulu. Kino kipabi pa kwikioda, mwafwainwa kutumina pamo na mali kwingijisha pepala ya S-20, ne kunemba bulongo amba “ILEMBO LYA MWAKA” pa kishilwa kiikajila kabiji tongolai mulaka ye mukeba. KECHI MWAFWAINWA KUODELA PA PEPALA YA S-14 NE. Kinembelo kya mwaka kikekalako mu Kibemba, Kichewa, Kiloshi, Kitonga, ne Kizungu. Kipabi kya kinembelo kyakatataka kya mwaka kyafwainwa kupabikwa kutatula pa January 1, 2005. Kipwilo kyafwainwa kuodatu kipabi kimo panembwa kinembelo kya mwaka mu mulaka ye bengijisha mu kyokyo kipwilo. Umvwe bipwilo biji na milaka yapusana pusana bingijisha Nzubo ya Bufumu imo, byafwainwa kuodatu kipabi kimo kimo kwesakana na yoyo milaka.

◼ Jashi jiikajila ja mvula bantu ja mu kimye kya Kivuluko kya mu 2005, jikambiwa pa Mulungu, April 10. Mutwe wa jashi ukabijikwa kimye kikwabo. Bipwilo byonse byo bakafwakashishanga ku mukulumpe wa kijiiji, nangwa bikekala na kupwila kwa kijiiji nangwa kwa juba jimo mu uno mulungu, bikekala na jino jashi mulungu ukalondelapo. Kafwako kipwilo kyafwainwa kwamba jino jashi jiikajila juba ja April 10, 2005 saka jikyangye kufika ne.

◼ Bakulumpe mu kipwilo bavululwako kulondela mikambizho iji mu Kyamba kya Usopa, kya Kibemba kya April 15, 1991, mapeja 21-3 pa mambo a bantu bapangiwa nangwa bepatula ku kipwilo abo bene bo bafwainwa kufwakesha.

◼ Bipwilo byafwainwa kupana magazini a Kyamba kya Usopa ne Loleni! aku bitambwilatu. Kino kikakwashako basapwishi kuyuka bijimo saka bakyangye kwiashajika mu mwingilo wa mu bujimi.

◼ Bamo babena kwingijisha Nyimbo ya Bufumu mu maselula foni. Mwane yukai’mba byonse byalekodewa ne mabuku anembwa na Bakamonyi ba kwa Yehoba byanembeshiwa na muzhilo, kibena kulumbulula amba ke kulala muzhilo umvwe kwaikala kulekoda nangwa kuba fotokopi buku kwakubula kutambula lūsa kubenabyo. Kechi kyawama ku uji yense kwingijisha nyimbo ingijishiwa mu kupopwela Lesa mu maselula foni ne.

◼ Kyatanyiwa kuba’mba basapwishi bakolwa baji mu bipatela nangwa baji na balongo babo baji mu kipatela babena kwita ba mu Kometi ya Bambañana na ba Mingilo mu Bipatela. Bakwabo baya ku ofweshi wa musampi nangwa kutumako lamya umvwe baikala na lukatazho lwa bya mashi. Basapwishi babena kukebewa bukwasho, bafwainwa kumona bakulumpe mu kipwilo bapewa mazhina ne manambala a malamya a boba bonse baji mu Kometi ya Bambañana na ba Mingilo mu Bipatela kabiji bo bafwainwa kukwasha.

◼ Mutanchi wa Kuwamishishamo Nzubo ya Bufumu (CN-14) ye mwapwisha kulondela wafwainwa kutumwanga ku Ofweshi wa Musampi mu September pa mwaka pa mwaka. Bipwilo bingijisha Nzubo ya Bafumu imo byafwainwa bukiji bukiji kutambulako kope wa mutanchi wa kuwamishishamo. Umvwe paji pa bena kukebewa kuwamishiwa, bakulumpe mu kipwilo bafwainwa kwingijilapo pa kuba’mba Nzubo ya Bufumu ikale yawama. Umvwe mukulumpe wa kijiiji wafwakesha kipwilo, ukapitulukamo mu Mutanchi wa bipwilo wa Kuwamishishamo Nzubo ya Bufumu.

◼ Ñondo wa October byo akekala na milungu itanu, ukekala ke ñondo wawama bingi kwingijilamo bupainiya bwa kukwasha.