Bya Kubijika

◼ Mabuku a kushajika mu January: Buku uji yense wa kala wa mapeja 192 nangwa uji yense wanembelwe mwaka wa 1990 saka akyangye kufika, wakonsha kushajikwa. Umvwe mufwao ano mabuku, mwane ipuzhai bipwilo byo mwatentakana nabyo umvwe bijipo na mabuku asubukapo a kala o mwakonsha kwingijisha. Bipwilo byabula mabuku a kala byafwainwa kushajika buku wa Ukusapika Lesa Ukwa Mutundu wa Muntu. February: Palameni Kuli Yehova. Umvwe uno buku mufwaye, mwakonsha kushajika Life—How Did It Get Here? By Evolution or by Creation? nangwa Ukusokolola—Akalume ka Kuko Kakalamba Nakapalama! March: Shajikai buloshuwa wa Labainga Mukenkentenga. Umvwe bantu bamwesha lusekelo lwa kine, bashilai buku wa Kuyuka ne kwingila na ngovu kutatula lufunjisho lwa Baibolo lwa pa nzubo. April ne May: Kyamba kya Usopa ne Loleni! Pa kubwelako, tai muchima pa kushajika buku wa Popwelai Lesa. Mulanguluko mwine wafwainwa kwikala wa kutatula lufunjisho lwa Baibolo, kikatakata na bantu baji naye kala buku wa Kuyuka nangwa buloshuwa wa Nanchi Lesa Ukebaka.

◼ Kutatula mu February, bino kechi kukilaila pa March 6 ne, jashi ja mvula bantu ja bukumo jikambanga bakulumpe ba bijiiji jikekala na mutwe wa kuba’mba “Ubainga Bintu na Maana mu Ntanda Yabula Maana”

◼ Bipwilo byafwainwa kunengezha bulongo Kivuluko kya uno mwaka kikekalako pa Kina, pa March 24, pa kuzhika juba. Nangwa kya kuba jashi jakonsha kutatula bukiji, kupishamo bimpashañano kwafwainwa kutatulatu panyuma ya kuzhika juba. Ipuzhai bipamo bimona ñendelo ya luvula bimubule muyuke bulongo kimye kizhikilamo juba koko kwenu. Kyawama bingi kipwilo kimo kimo kwiikela na kivuluko. Pano bino, kuba bino kechi kimye kyonse po kukonsheka ne. Umvwe bipwilo byavula bingijisha Nzubo ya Bufumu imo, kipwilo kimo nangwa bikwabo byakonsha kwingijisha kishimikwa kingi pa jino juba. Umvwe kyakonsheka, twikimona namba kyakonsha kuwama inge kipwilo kimo kyapwisha kupwila, pafwainwa kupita maminiti 40 kikwabo saka kikyangye kutatula, pa kuba’mba bonse bakamwenemo mu kivuluko. Mwafwainwa kukokela mizhilo ya pa mukwakwa, pa kwimikila myotoka, ne kumona papatamina ne papatukila bantu. Jibumba ja bakulumpe mu kipwilo jafwainwa kumonapo jishinda jimo jakonsha kwingila bulongo mu mpunzha yo mujiko.