Bya Kubijika

◼ Mabuku a kusha mu May: Shilai bantu Kyamba kya Usopa ne Awake! Kimye kya kubwelako ku bantu bamwesha lusekelo lwa kukeba kufunda, kubikakotu ne boba batanwa ku Kivuluko kabiji nangwa boba batanwako ku kupwila kumo kwa Teokalasi bo tubula kupwila nabo jonse, monai kuba’mba mwibashila buku wa bukumo wa Nanchi Baibolo Kine Ufunjisha’mba Ka? Nkebelo ine yafwainwa kwikala ya kutendeka lufunjisho lwa Baibolo mu uno buku. June: Shai buku wa Sambilila Kuli Kasambilisha Mukalamba. Inge bena nzubo baamba’mba baana bafwabo, bashilai buku wa Insansa sha Lupwa. July ne August: Mwakonsha kusha buloshuwa uji yense walondelapo wa mapeja 32: Ilemenai Bumi Pano Pantanda Myaka Yonse!, Kamfulumende Ukaleta Paradisa, Bushe Lesa mu Cituntulu Alatusakamana?, Ilyo Untu Watemwa Afwa, Labainga Mukenkentenga!, Mipashi ya Bafu Ya Konsha Kukukwashanyi Nangwa ku Kukozha? Nanchi Kine Koiji Nyi?, Balunda na Lesa ne Mwijitana Jishinda Jaya Kubumi?

◼ Ofweshi wa musampi kechi utumina musapwishi bunke bwanji oda wa mabuku o akeba ne. Mukulumpe utangijila mu kipwilo wafwainwa kunengezhanga mutanchi wa kubijika ku kipwilo pa ñondo pa ñondo, pepala wa kuodelapo mabuku saka akyangye kutumwa ku musampi kuba’mba bonse bakeba mabuku a kyabo kyabo banembeshe ku mulongo utala pa mabuku. Mwane labijilai mabuku a oda wiikajila.

◼ Banembeshi mu bipwilo bafwainwa kumona’mba mapepala a Kwipuzhizhapo Mwingilo wa Bupainiya bwa Kimye Kyonse (S-205) ne a Kwipuzhizhapo Mwingilo wa Bupainiya bwa Kukwasha (S-205b) poaji pa kipwilo. Ano mapepala afwainwa kuodewa kupichila mu kwingijisha pepala wa Literature Request Form (S-14). Sungai mapepala avula a kukonsha kupwisha mwaka yense. Saka mukyangye kutuma pepala wa kwipuzhizhapo mwingilo wa bupainiya ku musampi, monai kuba’mba mepuzho onse akumbulwa.

◼ Byo kiji kuba’mba ñondo wa July uji na milungu itanu, ke ñondo wawama bingi kwingilako bupainiya bwa kukwasha.

◼ Mukulumpe utangijila mu kipwilo nangwa mukwabo umo ye atongola wafwainwa kubala mali a kipwilo pa June 1 nangwa bukiji bukiji panyuma ya jino juba. Umvwe muji na mali eikajila, nabiji a kuwamishisha pafwafwafwa nangwa a buntungi, nao mwafwainwa kwiabala. Umvwe mwapwisha kubala, bijikai ku kipwilo pa kubijika sawakya mukwabo ukalondelapo wa mali.

◼ KYA KWIMUYUKISHAKO KIIKAJILA: Mibingu ipanwa pa kupwila kwa kijiiji, moba a kupwila kwiikajila, pa kupwila kwa nkambi ne yoya ibikwa mu tubokoshi twa mu Nzubo ya Bufumu twa mwingilo wa ntanda yonse ne mali a Nzubo ya Bufumu, kyakonsha kuwama inge apanwa mu bumali o mwingijisha mu kyalo kyenu. Saka mukyangye kupana mibingu mu bucheki, mwafwainwa patanshi kushikisha munembeshi mu kipwilo, nangwa mukulumpe ubena kutangijila kupwila kwa juba jimo, kwa kijiiji nangwa kwa nkambi umvwe kyakonsheka kupana mibingu kupichila mu kupana cheki kabiji ne byo mwakonsha kumupana. Mibingu yapanwa mu bucheki yafwainwa kutumwa ku “Watch Tower.” Keyala wa musampi ke Watch Tower Society Box 33459, Lusaka 10101.

◼ LUPIMPU LWA KUPWILA KWA NKAMBI: Milaka ibiji ya kupwila kwa nkambi yatanchikilwe mu Mwingilo Wetu wa Bufumu wa March 2006, yapusene mu nembelo, kabiji mulaka umo washajilepo. Ino milaka ibiji yapusene yafwainwa kwikala bino: CHINGOLA - CW (Kibemba) ne CHIPATA - CN (Kichewa). Mulaka washajilepo kunemba ke wa ku LYENGA - CN (Kichewa).

◼ Kibena kukebewa kuba’mba mapepala a kwipuzhizhapo mwingilo wa bupainiya atumwenga ku ofweshi wa musampi saka kwakishala moba 90 juba ja kutendeka kwingila saka jikyangye kufika. Munembeshi mu kipwilo wafwainwa kupitulukamo mu yewo pepala kumona’mba byonse byanembwa bulongo. Umvwe aba babena kwipuzha mwingilo balubamo juba jine jo babatizwe, bafwainwa kusopelelatu jaesakanako ne kutwajijila kwingijisha. Munembeshi wafwainwa kunemba jino juba pa Kikachi kya Musapwishi mu Kipwilo (S-21).

◼ Makompakiti Disiki a bukumo ajipo:

Nanchi Lesa Ukebaka Kwiatweba?—Kizungu

A Satisfying Life—How to Attain It—Kizungu

◼ Tepu ya kifwanyikizho ya bukumo ijipo:

Nemekai Buntangi bwa Yehoba—Kichewa