Bya Kubijika

◼ Mabuku a kusha mu August: Byonka byo aji mu Mwingilo Wetu wa Bufumu wa July 2006. September: Buku wa Baibolo Ufunjisha ye ukengijishiwanga. Twafwainwa kwibikako kumona kuba’mba twatendeka lufunjisho lwa Baibolo pa lwendo lutanshi. Twafwainwa kubwela ku bantu bonse bo twashijile mabuku na nkebelo ya kutendeka lufunjisho lwa Baibolo. October: Shilai bantu Kyamba kya Usopa ne Awake! Umvwe bamwesha lusekelo, bamweshai buloshuwa wa Labainga mukenkentenga! pa kuba’mba kizaku kyabo kya Baibolo kibayileko. Palutwe kacheche, misampi bakeibula bya mukwekele wiikajila wa Mambo Awama ubena kunengezhiwa. November: Buku wa Sambilila Kuli Kasambilisha Mukalamba ye ye tukashanga. Inge bena nzubo baamba’mba baana bafwabo, bashilai talakiti wa kuba’mba Nanchi Mukeba Kuyuka Byavula pa Mambo a Baibolo Nyi? nangwa talakiti mukwabo wafwainwa.

◼ Mukulumpe utangijila nangwa mukwabo umo ye atongola wafwainwa kubala mali a kipwilo pa September 1 nangwa bukiji bukiji panyuma ya jino juba. Umvwe muji na mali eikajila, nabiji a kuwamishisha pafwafwafwa nangwa a buntungi, nao mwafwainwa kwiabala. Umvwe mwapwisha kubala, bijikai ku kipwilo pa kubijika sawakya mukwabo ukalondelapo wa mali.

◼ Bipwilo byafwainwa kuonda ano mabuku na oda wabo wa mabuku ukalondelapo: Kubalaulabalaula Binembelo pa Juba pa Juba wa mu 2007 (uji mu Kibemba, Kichewa, Kikaonde, Kiloshi, Kilubale, Kiswahili, Kitonga, ne Kizungu) 2007 Kalenda wa Nte sha kwa Yehova (uji mu Kibemba, Kichewa, Kiswahili, ne Kizungu) ne 2007 Yearbook of Jehovah’s Witnesses (uji mu Kiswahili ne mu Kizungu) Ano ke mabuku a oda wiikajila, onkao mambo afwainwa kuondewatu umvwe kuji bantu babena kwiakeba. Pa mutanchi panembwa mabuku atumwa, pakanembwanga’mba “Bibena kwiya panyuma,” kufikatu ne kimye kikeya ano mabuku. Mwafwainwa kubijika ku kipwilo amba baode ano mabuku. Basapwishi kechi bafwainwa kutaya kimye kunembesha ano mabuku ku Mukulumpe unengezha Mabuku ne, kabiji naye kechi wafwainwa kutaya kimye kutuma oda wa mabuku ku musampi ne.

◼ Kubala mabuku ne magazini o muji nao kubiwa pa mwaka pa mwaka, kwafwainwa kubiwa pa August 31, 2006 nangwa pa juba jijiko pepi na jino juba. Kuno kubala kujitu pamo na kokwa kuba mukulumpe unengezha mabuku byo eabala pa ñondo pa ñondo, kabiji kibelengelo kyao onse kyafwainwa kunembwa pa pepala ya Ukupenda Ifitabo (S-18). Mwafwainwa kwipuzha wa mwingilo utala pa magazini emubule kibelengelo kyonse kya magazini ajipo. Munembeshi mu kipwilo kinengezha bya mabuku wafwainwa kutangijila kuno kubala mabuku. Aye ne mukulumpe utangijila mu kipwilo kinengezha mabuku bakasaina uno pepala. Kipwilo kyonse kinengezha mabuku, kikatambwila mapepala abiji a Ukupenda Ifitabo (S-18). Mwane tumaipo pepala umo ku ofweshi wa musampi juba ja September 6 saka jikyangye kufika. Sungai pepala mukwabo mufwailo wenu.