Bya Kubijika

◼ Mabuku a kusha mu September: Buku wa Baibolo Ufunjisha ye ukengijishiwanga. Twafwainwa kwibikako kumona kuba’mba twatendeka lufunjisho lwa Baibolo pa lwendo lutanshi. Twafwainwa kubwela ku bantu bonse bo twashijile mabuku na nkebelo ya kutendeka lufunjisho lwa Baibolo. October: Shilai bantu Kyamba kya Usopa ne Awake! Umvwe bamwesha lusekelo, bamweshai buloshuwa wa Labainga mukenkentenga! kuba’mba lusekelo lwabo lubayileko lwa kukeba kufunda Baibolo. November: Buku wa Sambilila Kuli Kasambilisha Mukalamba ye ye tukashanga. Inge bena nzubo baamba’mba baana bafwabo, bashilai talakiti wa kuba’mba Nanchi Mukeba Kuyuka Byavula pa Mambo a Baibolo Nyi? nangwa talakiti mukwabo wafwainwa. December: Shai buku wa Umuntu Wakulisha Uwabalile Abako Uwa Mweo. Umvwe mufwaye, mwakonsha kwingijishapo buku umo pa ano: Baibolo—Cebo ca kwa Lesa Nelyo ca Muntu?, Icitabo Candi ca Malyashi ya mu Baibolo, ne Kuti Waikala Kuli Pe na pe muli Paradise Pe Sonde, umvwe muji nao pa kipwilo.

◼ Bipwilo byafwainwa kutatula kuoda mabaundi volyumu a Kyamba kya Usopa ne Awake! a 2006 kabiji ne Watchtower Library—2006 Edition on CD-ROM na oda wabo wa mabuku ukalondelapo. Mwane yukai amba Watchtower Library—2006 Edition unengezhewelwatu basapwishi babatizwa mu kipwilo kabiji wafwainwa kuondewatu kupichila mu kipwilo.

◼ Bipwilo byafwainwa kutatula kuoda bipabi panembwa Kinembelo kya Mwaka wa 2007 pamo na oda wabo wa mabuku ukalondelapo. Pa mutanchi panembwa mabuku atumwa, pakanembwanga’mba bibena kwiya panyuma, kufikatu ne kimye kyo kikeya kipabi. Kyatamine bingi mwaka wapwa bipwilo bimo byakelelwe nangwa kampe byalubileko kuoda. Onkao mambo, mwane kechi mwafwainwa kutaya kimye kuonda ne. Mambo kechi kukekalapo lunengezho lwiikajila lwa kutumina bipwilo bikakelwa ne. Kinembelo kya Mwaka kikekalako mu Kibemba, Kichewa, Kikaonde, Kilubale, Kiloshi, Kiswahili, Kitonga, Kitumbuka ne Kizungu. Mutengo ke K3,000.00 kimo, mwafwainwa kwikioda ne kulipila mali kwingijisha pepala wa S-20, ne kunemba bulongo amba “ILEMBO LYA MWAKA” pa kishilwa kiikajila ne kutongola mulaka ye mukeba. KANGE MUODELE PA PEPALA WA S-14 NE. Bipwilo byakonsha kuodatu kipabi kimo panembwa kinembelo kya mwaka mu mulaka ne mulaka. Bipwilo byafwainwa kulamika kipabi kya kinembelo kyakatataka kya mwaka pa January 1, 2007.

◼ Bakulumpe babena kuvululwako kulondela mikambizho iji pa peja 21-3 mu Kyamba kya Usopa kya Kibemba kya April 15, 1991, pa mambo a bantu bapangiwa nangwa bepatula bene babena kukeba kubwezhiwa.

◼ Binyu bya Kivuluko: Bipwilo biji mu mapunzha a mu mizhi byakonsha kutatula kuoda binyu kyonka kino kimye. Tumai mali ne kunemba Pepala wa Kutuminapo Mali (S-20) wiikajila. Nembai bulongo pa kishilwa’mba “MALI A BINYU.” KANGE mukatume nkalata nangwa Pepala wa Kwipuzhapo Mabuku (S-14) ne, tumaitu S-20 kyapwa. Umvwe mwabula kutuma mali, kechi mukatambwila binyu ne. Mutumwa umo wa 500ml uji pa mutengo wa K10,000.00. Juba ja kupezhako kutambwila maoda a binyu ke December 31, 2006. Binyu bikatumwa mu February 2007.