Kufunda Buku wa Popwelai Lesa
1 Buku wa Popwelai Lesa Yenka Wakine wanengezhiwa kufunjila pamo na bakatataka panyuma ya kupwisha kufunda buku wa Baibolo ufunjisha. Kufunda kwetu uno buku pa Lufunjisho lwa Buku lwa Kipwilo kuketulengela kwingijisha bulongo kino kingijisho mu mwingilo kabiji kuketukwasha kubayisha butemwe bwetu ne lusanchilo lwa kusanchila Yehoba ne jibumba janji. Twakonsha kumwenamo byepi pakatampe mu kufunda kwetu uno buku wa Popwelai Lesa?
2 Kufunjisha Lufunjisho: Byo kiji kuba’mba tukapwishanga kufunda kitango kimo mulungu ne mulungu, bakulumpe ba lufunjisho lwa buku bafwainwa kwabanya kimye bulongo. Kechi bafwainwa kutaya kimye kyabaya mu mapalagalafu atanshi ne, bino bafwainwa kwikala na kimye kyabaya kya kwisamba mapalagalafu aji palutwe muji byambo byanema. Kwisamba mu ngipipishilo kabokoshi ka mepuzho a kupitulukamo panyuma ya lufunjisho luji lonse, kukakwasha boba bakatanwangako kuvuluka bishinka bikatampe.
3 Mukachi ka bitango bya uno buku wa Popwelai Lesa muji ne mepuzho a kulangulukapo ne kwisambapo. Kya kumwenako, mwakonsha kumona pa mapeja 48-9. Kechi kyafwainwa kutanga ano mepuzho pa kimye kyo mubena kutanga mapalagalafu ne. Umvwe ke mwisambepo ano mepuzho na jibumba, mukulumpe wa lufunjisho wafwainwa kumona kuba’mba binembelo byatangiwa ne kwisambapo kwesakanatu na kimye kijiko.
4 Kunengezhezha Jimo: Kunengezha bulongo lufunjisho kwavwangamo byavula, kechi kushilatu tubishilwa pa mikumbu konkatu ne. Kulangulukishapo na lulombelo pa binembelo bijimo, kechi kwakonsha kwitukwashatu kwinengezha kukumbulapo ne, bino kikatakata kwitukwasha kunengezha muchima wetu. (Ezela 7:10) Atweba bonse, twakonsha kwikwasha atwe bene na bene kupichila mu kukumbulapo sa twakasuluka kabiji kwa kubula kukizhamo kulolobwela.—Loma 1:11, 12.
5 Kufunda kwetu buku wa Popwelai Lesa, kuketukwasha kufwenya kwipi ne Yehoba kabiji kuketufunjisha bya kukwasha bantu bakishinka kwiya kwivwanga ne atweba mu kumupopwela. (Sala. 95:6; Yako. 4:8) Twayai atweba bonse tukafunde byavula mu luno lunengezho lwawama lwa ku mupashi.
[Box page 7]
Popwelai Lesa Yenka Wakine
Mutanchi wa kufunda kutendeka mu mulungu wa January 8, kufika mu mulungu wa May 28, 2007.
MULUNGU WA KITANGO
January 8: kita. 1
15: kita. 2
22: kita. 3
29: kita. 4
February 5: kita. 5
12: kita. 6
19: kita. 7
26: kita. 8
March 5: kita. 9
12: kita. 10
19: kita. 11
26: kita. 12
April 2: kita. 13
9: kita. 14
16: kita. 15
23: kita. 16
30: kita. 17
May 7: kita. 18
14: kita. 19
21: kita. 20
28: kita. 21