Kupitulukamo Mu Sukulu Ya Mwingilo Wa Teokalasi
Ae mepuzho akekala a kwisamba mu Sukulu ya Mwingilo wa Teokalasi mu mulungu wa kutendeka June 25, 2007. Utangijila sukulu ukepuzhatu ano mepuzho a kupitulukamo kwa maminiti 30 mu byambo byafunjiwe mu majashi a milungu ya May 7 kufika ku June 25, 2007. [Yukaiˈmba: Pa mepuzho pabula mabuku mwakutana mikumbu, mwafwainwa kwipesela pesela anwe bene kutana mikumbu.—Monai buku wa Nonkelenimo mape. 36-7.]
ÑAMBILO
1. Twakonsha kuba byepi pa kuba’mba tuleke kuzakama ne kulengela jiwi jetu kumvwanyika bulongo pa kwamba? [be-CW pe. 185 mapala. 1-3]
2. Twakonsha byepi ‘kwaluka ke bintu byonse ku bantu bonse’ mu mwingilo wetu? (1 Ko. 9:20-23) [be-CW pe. 186 mapala. 2-4]
3. Twafwainwa kulonda byepi kya kumwenako kya Yehoba pa kuteleka ku bantu bo twisamba nabo? (Nte. 18:23-33; 1 Mfu. 22:19-22) [be-CW pe. 187 mapala. 1-2, 5]
4. Mu ñanyi mashinda mo twakonsha kukwashisha bantu kukomenako ku mupashi? [be-CW pe. 187 pala. 6-pe. 188 pala. 3]
5. Mambo ka o twafwainwa kutelako muchima ku kunemeka bantu? [be-CW pe. 190 pala. 3, kabokoshi]
JASHI NA. 1
6. Mambo ka o twafwainwa kweseka na ngovu kufika pa michima ya bantu bo tusapwila? [be-CW pe 59 pala. 1]
7. Kya kumwenako kyetu kikwasha byepi boba bo tufunjisha? [be-CW pe. 61 pala. 1]
8. Twakonsha kuyuka byepi mashinda a kwisambilamo pa nzubo? [be-CW pe. 62 pala. 3]
9. Kya kumwenako ka kimwesha kuchinchika kwa na mukoyo kwa ngauzhi Yelemiya? [bsi07-KD mape. 3, 4 pala. 36]
10. Buku wa Majilo a Yelemiya upana ñanyi luketekelo, kabiji mambo ka o awamina mu kumwesha Lesa byo akambula babi? [bsi07-KD pe. 5 pala. 13]
KUTANGA BAIBOLO KWA MULUNGU NE MULUNGU
11. Kwesekana na kyamumwekejile Yelemiya kyalumbululwa mu Yelemiya 37:21, luketekelo ka lo twakonsha kwikala nalo?
12. Mambo ka Baluka o akonsheshe kwamba’mba Yehoba ‘wamubikijileko bulanda ku musongo wanji’ ne kumulengela ‘kukooka,’ kabiji na mambo a luno lukatazho kintu ka kitanshi Baluka kyo aubile? (Yele. 45:1-5)
13. Kimye ka mu Babilona kyo mwalekele kwikala bantu, ne ‘kwikala ke ntanda yatutu’? (Yele. 50:13)
14. Jifunde ka jaamba pa lulombelo jalumbululwa bulongo mu Majilo a Yelemiya 3:8, 9, 42-45?
15. Nga kalaki walumbululwa pa Ezikyo kitango 1 wimenako ka?