Bya Kubijika

◼ Mabuku akusha mu December: Buku wa Umuntu Wakulisha Uwabalile Abako Uwa Mweo. Umvwe muntu waamba’mba uji na baana, mushilai buku wa Fundai ku Mufunjishi Wayukisha. January: Nanchi Baibolo Kine Ufunjisha’mba Ka? Umvwe mwina nzubo uji nanji uno buku, basapwishi bakonsha kusha buku yense wakala wa mapeja 192 nangwa yense wanembelwe mwaka wa 1992 saka akyangye kufika. February: Shai ano mabuku umvwe poaji: Is There a Creator Who Cares About You?, Icaba Inkaama Ku Nsansa Sha Lupwa, nangwa wa Baibolo—Cebo ca kwa Lesa Nelyo ca Muntu? March: Nanchi Baibolo Kine Ufunjisha’mba Ka? Ibikaiko kutendeka mafunjisho a Baibolo.

◼ Tubena kukeba kuvululako basapwishi bonse kuba’mba, Mabuku a bampofu auba bingi mutengo pa kwianemba, kikatakata aa akatampe. Twafwainwa kupanangako mibingu ku ano mabuku. Pa kusaina pepala wa Literature Request Form (S-14), munembeshi mu kipwilo wafwainwa kumona’mba ano mabuku ke a basapwishi bonkatu nangwa bantu babena kufunda Baibolo babena kuba bulongo. Wafwainwa kunemba bulongo pa S-14 kuba’mba bantu babena kukeba ano mabuku kine basapwishi, kabiji waitabizha. Aba batambula Kyamba kya Usopa nangwa Awake! wa Bampofu bafwainwa kuyuka’mba ano magazini auba bingi mutengo.

◼ Ingijishainga bulongo mapepala a kipwilo. Patayiwa ngovu ne mali avula bingi pa kunemba ano mapepala. Kyakonsha kuwama kuvululako bamo kuba’mba mapepala a kipwilo kechi a konaunatu nangwa kwiengijisha kunembelapo bintu bingi ne. Bipwilo bimo bikalapo na mapepalatu angi a kwingijisha balongo kunembapo bintu bingi kuba’mba babulenga kwingijisha ano mapepala a kipwilo. Balongo bakonsha kukepeshako konauna ano mapepala umvwe sabafuta po banemba kutama mu kifulo kya kutola pepala mukwabo ne kutendeka kunembapo jibiji. Kino kyakonsha kukwashako kubula kwikala ba boono. Pano bino, bafwainwa kumona’mba mapepala o banembapo mabulañano a kubika mu mafwailo a kipwilo nangwa a kutuma ku ofweshi wa musampi, abena kumweka bulongo kabiji ne bintu byo banembapo nabyo bibena kumweka bulongo bya kukonsha kutanga. Pa kubika mapepala mu fwailo, monai’mba amo kechi afyama mu akwabo moaesakena ne.

◼ Kingdom Melodies—MP3 ibena kulumbulula’mba nyimbo iji pa maselechi onse a Kingdom Melodies beibika pa selechi umotu. Selechi uji na ino nyimbo kechi usakwikalangako kuba’mba mumuodenga ne; mwakonsha kwikala na uno selechi kupichila mu kumukopolola pa Intaneti kwingijisha Keyala wa www.pr2711.com. Nangwa kya kuba jibumba bejilipilisha mali umvwe mwakopolola uno selechi pa Intaneti, jino jishinda japelako mutengo kukila kwilengela ano maselechi ne kwiatuma.

◼ Maselechi a DVD akatataka ajipo:

Nanchi Mukeba Kuyuka Bukine Nyi?—On DVD (dvkt)—Mulaka wa Kwamba na Maboko wa Kina America

◼ Mabuku akatataka ajipo:

Nanchi Mukeba Kuyuka Bukine Nyi?(kt)—Kichewa, Ki Chinese (Kyapela), Kibemba, Kitonga, Kizungu, (mabuku a bampofu a Guledi 2), Ki French, Kikaonde, Kilunda, Kilubale, Kishona, Kiloshi, Kiswahili ne Kitumbuka.