Kupitulukamo mu Sukulu wa Mwingilo wa Lesa

Ae mepuzho akekala a kwisamba mu Sukulu wa Mwingilo wa Lesa mu mulungu wa kutendeka April 27, 2009. Utangijila sukulu ukepuzhatu ano mepuzho a kupitulukamo kwa maminiti 20 mu byambo byafunjiwe mu majashi a milungu ya March 2 kufika ku April 27, 2009.

1. Yosefwa waubilenga byepi na meseko a pa juba pa juba o atalañenenga nao? (Nte. 39:7-12) [lv pe. 105 jifu. 18–pe. 106 jifu. 20]

2. Nga Baibolo waambapo’mba ka pa mambo a kusekelela moba a kusemwa? (Nte. 40:20-22) [lv pe. 150 jifu. 9–pe. 151 jifu. 11]

3. Nga Yosefwa waikala byepi wa kumwenako wawama mu kulekelako boba betulenga mambo? (Nte. 45:4, 5) [w99-CW 1/1 pe. 31 mafu. 2-3]

4. Nga byambo bya kwa Yosefwa bya kuba’mba: “Anweba mukasende bikupa byami pa kufuma kuno,” byatajile mwepi? (Nte. 50:25) [w07 6/1 pe. 28 jifu. 10]

5. Ki ka kyakonsha kwitukosesha umvwe betupa mwingilo wakatazha kwingila? (Lupu. 4:10, 13) [w04 3/15 pe. 25 jifu. 4]

6. Ki ka kyafuminemo mu jishinda Yehoba jo aingijijilemo na Felo, kabiji twafwainwa kufunjilako ka ku kino kyaubiwe? (Lupu. 9:13-16) [w05 5/15 pe. 21 jifu. 8]

7. Nga byambo biji mu Kulupuka 14:30, 31, byatala mwepi lelo jino? [w04 3/15 pe. 26 jifu. 5]

8. Kwesakana na byaamba Kulupuka 16:1-3, bintu ka byatama bifuma mu kwijizhañanya? [w93-CW 3/15 pe. 20 jifu. 2–pe. 21. jifu. 2]

9. Kwesakana na byambo bya mu Lulayañano lwa Mizhilo byanembwa mu Kulupuka 19:​5, 6, mambo ka o twakonsha kwambila’mba mukoka wa bena Isalela ye wajinga “bufumu bwa bañanga ne mukoka wazhila”? [w95-CW 7/1 pe. 16 jifu. 8]

10.Mambo ka mukambizho wa bujikumi waamba pa lunkumbwa o anemena kukila mizhilo ya bantu? (Lupu. 20:17) [w06 6/15 mape. 23-24 jifu. 16]