Bya Kubijika

◼ Mabuku a kusha mu April ne May: Magazini wa Kyamba kya Usopa ne Awake! Kimye kya kubwelako ku bantu bamwesheshe lusekelo lwa kukeba kufunda, kubikapotu ne batanwa ku Kivuluko nangwa ku kupwila kukatampe bo tubula kupwila nabo kimye kyonse, bashilai buku wa Nanchi Baibolo Kine Ufunjisha’mba Ka? Nkebelo ya kushila uno buku ke ya kutendeka lufunjisho lwa Baibolo. June: Nanchi Baibolo Kine Ufunjisha’mba Ka? Umvwe bantu baji nanji uno buku, basapwishi bakonsha kusha buku yense ye baji nanji wa mapeja 192 wanembelwe mwaka wa 1992 saka akyangye kufika. July: Mwakonsha kusha mabuloshuwa a mapeja 32 umvwe muji nao

◼ Kukekala kutaya mbila ya kushonkena kwa nkambi ne kukonkana kwa byalo kukekalako mwaya ntanda mu uno mwaka wa 2009. Basapwishi bakapananga mu nyaunda yabo tumatalakiti twiikajila twakwichilapo bantu. Kipwilo kyafwainwa kutendeka uno mukwekele umvwe kwashala milungu isatu kuba’mba kushonkena kukatendeke.

◼ Basapwishi bonse bakatambula tumabaaji twa kushonkena kupichila mu kipwilo. Aba bakaya ku kukonkana kwa byalo bakengijisha tonka tuno tumabaaji.

◼ Kya kubijika kiji mu Mwingilo Wetu wa Bufumu wa August 2007 kyajinga kya kuba’mba: “Kechi tutumanga ma Baibolo mu Kibemba, Kichewa, Kikaonde, Kilamba, Kiloshi ne Kitonga ne. Ano ma Baibolo mwakonsha kwiapota mu mashitolo a mabuku.” Nangwa byonkabyo, tukiji na ma Baibolo a mu mulaka wa Kilubale. Mu Mwingilo Wetu wa Bufumu wa January 2008 muji kya kubijika kya kuba’mba ano ma Baibolo ‘kechi akupanatu kipane pane ne . . . Mwafwainwa kwiapanatu ku bantu batako muchima kufunda Baibolo, bakonsha kutanga kabiji batanwa ne ku kupwila. Kechi akusha mu mwingilo wa mu bujimi ne.’