Bya Kubijika

◼ Mabuku akusha mu September: Nanchi Baibolo Kine Ufunjisha’mba Ka? Basapwishi bafwainwa kwibikako kutendeka mafunjisho a Baibolo pa kimye kitanshi umvwe basha uno buku. Mweshai mwina nzubo byo akonsha kumwenamo kupichila mu kumulumbulwilako pacheche bya kufunda lufunjisho lwa Baibolo. October: Magazini a Kyamba kya Usopa ne Awake. Bamwesha lusekelo, mwakonsha kwibashila talakiti wa Nanchi Mukeba Kuyuka Bukine Nyi? Umvwe bena nzubo baji na uno talakiti, basapwishi bafwainwa kutendeka lufunjisho lwa Baibolo. November: Nanchi Baibolo Kine Ufunjisha’mba Ka? Umvwe bantu baji nanji uno buku, basapwishi bakonsha kusha buku yense ye baji nanji wa mapeja 192 wanembelwe mwaka wa 1995 saka akyangye kufika. December: Umuntu Wakulisha Uwabalile Abako Uwa Mweo. Umvwe bantu bamba’mba baji na baana bashilai buku wa Fundai ku Mufunjishi Wayukisha.

◼ Jashi jiikajila ja mvula bantu ja mu kimye kya Kivuluko kya mu 2010 kukekala kwijamba mu mulungu wa April 12, 2010. Mutwe wa jino jashi ukabijikwa kimye kikwabo. Bipwilo byonse byo bakafwakesha kwi kalama wa mwanzo nangwa bikekala na kubuñana kwa mwanzo nangwa kwa juba jimo mu uno mulungu, bikekala na jino jashi mulungu ukalondelapo. Kafwako kipwilo kyafwainwa kwamba jino jashi jiikajila mulungu wa April 12 saka akyangye kufika ne.

◼ Binyu bya Kivuluko: Bipwilo biji mu mapunzha a mu mizhi byakonsha kuoda binyu lonka luno. Tumai Pepala wa Kutuminapo Mali (S-20) pamo ne ene mali. Nembaituˈmba “MALI A BINYU.“ Kechi mwafwainwa kutuma nkalata nangwa pepala wa Literature Request Form (S-14) ne, tumaitu S-20 yenka kwapwa. Umvwe mwabula kutuma mali, kechi tukemutumina binyu ne. Kakindundu kamo ka 500ml kaji pa mutengo wa K20,000.00. Juba jikapelako kutambula maoda ke December 31, 2009. Binyu tukebituma mu February 2010.