Kupituluka mu Sukulu wa Mwingilo wa Lesa

Ae mepuzho akekala a kwisamba mu Sukulu wa Mwingilo wa Lesa mu mulungu wa kutendeka June 28, 2010. Utangijila sukulu ukepuzhatu ano mepuzho a kupitulukamo kwa maminiti 20 mu byambo byo twafunjile mu majashi a mulungu wa May 3 kufika ku wa June 28, 2010.

1. Twakonsha kufunjilako ka kwi Davida byo amujijile Abina? (2 Sam. 3:31-34) [w05 KD 7/1 ji. 9 jifu. 6; w06 KD 8/1 ji. 15 mafu. 9-10]

2. Ñanyi kilubo kyaubile Natana, kabiji Yehoba wabujile ka kumukana amba kechi ngauzhi wanji ne? (2 Sam. 7:3) [rs ji. 134 jifu. 8]

3. Kinembelo kya 2 Samwela 7:14 kyafikile byepi? [w07 KD 8/1 ji. 23 jifu. 6; it-1 ji. 273 jifu. 3; it-2 ji. 818 jifu. 2]

4. Davida kyo aubijile Mefibosheta kyamwesheshe byepi amba uji na lusa, kabiji kyakonsha kwitulengela kuba ka? (2 Sam. 9:7) [w02 KD 6/1 ji. 16 jifu. 5]

5. Twakonsha kufunjilako ka ku bulunda bwajinga pakachi ka kwa Itai, Gata ne Mfumu Davida? (2 Sam. 15:19-22) [w09 KD 5/15 ma. 27-28]

6. Binembelo byakonsha kwitukwasha byepi kuyuka’mba Ziba wamubepejiletu Mefibosheta? (2 Sam. 16:1-4) [w02 KD 3/1 ji. 10 jifu. 11, tubyambo twa munshi.]

7. Mambo ka Bazilai wajinga na myaka 80 o atongwejile Chimuhamu byo bamwambijile kwi Davida amba engijilenga mu kipango? (2 Sam. 19:33-37) [w07 KD 6/1 ji. 27 jifu. 13]

8. Kukoka muchima kwa Yehoba kwalengejile byepi Davida kwaluka ke mukatampe? (2 Sam. 22:36) [w07 11/1 ji. 5 jifu. 2; w04 11/1 ji. 29]

9. Mambo ka Adoniya o akebejile kwangata bufumu, Davida saka akiji mumi? (1 Mfu. 1:5) [w05 KD 8/1 ji. 28 jifu. 5]

10. Mambo ka Yehoba o akumbwijile lulombelo Solomone lo alombele pa maana ne milangwe? (1 Mfu. 3:9) [w05 KD 8/1 ji. 30 jifu. 2]