Nanchi Mambo a Lesa aji na Bulume mu Bwikalo Bwenu Nyi?

Kutanga Baibolo moba onse kwakonsha kwitukwasha ‘kutabilamo’ ne “kukoselamo mu lwitabilo.” (Kolo. 2:6, 7) Bino pa kuba’mba Mambo a Lesa etukwashe mu bwikalo bwetu, twafwainwa kulangulukangapo ne kulondela mafunde ajimo. (Hebe. 4:12; Yako. 1:22-25) Yoshua 1:8 wamwesha bintu bisatu byo twafwainwa kulondela pa kutanga: (1) Tangainga Mambo a Lesa “mute ne bufuku.” (2) ‘Languluka langulukaingapo’ ko kuba’mba kutanga pachepache ne kulangulukapo kabiji ne kufwanyikizha biji mu jishimikila nobe ko muji. (3) ‘Londelainga bulongo byonse byanembwamo.’ Kulondela bino bishinka kukalengela jishinda jetu “kuwama” kabiji ‘tukobanga bintu na maana’ mu bwikalo bwetu.