Kwashai Baana Benu Kulondelanga Kilishitu

Bansemi bena Kilishitu batemwa bingi inge baana babo ‘bekana bene ne kusenda kichi kyabo kya lumanamo, kabiji ke balondele’ Yesu. (Mak 8:34; 3Yo 4) Bansemi bakonsha kukwasha byepi baana babo kulondela Kilishitu, kwipana bene kwi Yehoba ne kubatizhiwa? Ñanyi bintu bikamwesha’mba baana benu bafikilamo kubatizhiwa?

Tangai “Byambo ku Bansemi Bena Kilishitu” biji pa mapa 165-166 mu buku wa kuba’mba Bakwatankana Kuba Kyaswa Muchima wa Yehoba, apa bino mwisambe ano mepuzho:

1. Kyambo kya kuba’mba mwana wa bwanga kilumbulula ka?

2. Ñanyi bintu bansemi byo bafwainwa kufunjisha baana babo?

3. Kwesakana na jifumbi jijipo baana, bakonsha kwingijisha byepi bene bino binembelo pa kuba’mba bafikilemo kubatizhiwa?

   • Kol 3:20

   • Luk 2:46

   • Sl 122:1

   • Mat 4:4

   • Mat 6:33

   • 1Ko 15:33