“Kechi Tubwela Panyuma Ne”

4:16-18

Fwanyikizhai kuba’mba bisemi bibiji bikala mu kishimikwa kimotu kya kala kyaonaika bingi. Kisemi kimo kyakana kwikala mu kino kishimikwa. Pano bino, kisemi kikwabo kiji bingi na lusekelo kwikala mu kino kishimikwa. Mambo ka kino kisemi o kyaikela na lusekelo? Mambo bayuka’mba kino kishimikwa katatakatu bakekiwamishe kabiji kikamwekanga bingi bulongo.

Nangwa kya kuba “bilengwa byonse bibena kubinza ne kumvwa misongo kufikatu ne lelo,” bapopweshi ba Lesa abo baji na luketekelo lwibakosesha. (Lo 8:22) Twayuka kuba’mba makatazho o tubena kupitamo pa kino kimye, nangwatu oa o twapitamo pa myaka yavula, ke ‘a pa kakimye kacheche kabiji apeela’ inge twiesakanya ku byo tukekalanga mu mutende myaka ne myaka mu ntanda ipya ya Lesa. Kuta muchima pa mapesho akaleta Bufumu aji kulutwe kuketukwasha kwikala na lusekelo pa kino kimye ne kubula kubwela panyuma.