Mwakonsha Kuchinchika Nangwa kya Kuba Muji na “Mwiba mu Mubiji”!

Mu ano moba a kupelako akatazha, bantu ba Lesa nabo babena kupita mu makatazho aji nobe miba. (2Ti 3:1) Twakonsha kuba byepi pa kuba’mba tuketekele mwi Yehoba kwitukwasha kuchinchika ano makatazho? Tambai vidyo wa kuba’mba, “Meso a Bampofu Akalaba” pa kuba’mba muyuke byaubile Talita Alnashi ne bansemi banji, apa bino mukumbule ano mepuzho:

• Ñanyi “mwiba mu mubiji” uji ne Talita?

• Ñanyi milaye ya mu Baibolo yakwasha Talita ne bansemi banji kutwajijila kuchinchika?

• Talita byo bamutumbwile, bansemi banji bamwesheshe byepi byo baketekela mwi Yehoba?

• Bansemi ba kwa Talita bengijisha byepi bulongo bintu bitunengezhezha jibumba ja Lesa pa kumukwasha kutwajijila kutemwa Lesa?

• Talita wamwesha byepi kuba’mba kechi walubako Yehoba ne, nangwa kya kuba uji na “mwiba mu mubiji”?

• Byaubile Talita bimutundaika byepi?