BYAFWAINWA KWIKALA BENA KILISHITU
“Tayai Bankishi bo Muji Nabo”
Nangwa kya kuba Yehoba kechi wakibikileko muzhilo wakainye kupopwela bankishi ne, bino Yakoba wayukile’mba Yehoba ukeba kumupopwelatu aye yenka kwapwa. (Lup 20:3-5) Onkao mambo, Yehoba byo amubuujile kubwela ku Betele, Yakoba wakambizhe bantu bonse bo ajinga nabo kutaya bankishi bo bapopwelanga. Kepo Yakoba ataile bano bankishi, ne mashikiyo kyamweka o bavwalanga a kwishiika. (Nt 35:1-4) Kwambatu kine, kino kyo aubile kyatokeshe bingi Yehoba ku muchima.
Nga mu ano moba, twakonsha kuba byepi pa kuba’mba tupopwelengatu Yehoba yenka kwapwa? Twafwainwa kutendekelapo kutaya byonse byakunza kupopwela bankishi nangwa bulozhi. Kuba bino kwavwangamo kutaya bwanga ne kulangulukapo bulongo pa bya kisangajimbwe byetu. Twafwainwa kwishikisha’mba: ‘Nanchi natemwa kutanga mabuku nangwa kutamba mafilimu muji bipuku, misangu nangwa bingelekezha nyi? Nanchi bya kisangajimbwe byami bimwesha majiiki, bantu bata bakwabo bwanga nangwa mafingo nobe bijitu bulongo nyi?’ Twafwainwa kushikwa bintu bonse byashikwa Yehoba.—Sl 97:10.
TAMBAI VIDYO WA KUBA’MBA “DIABOLA MUKANAI,” APA BINO MUKUMBULE ANO MEPUZHO:
Ñanyi lukatazho lwajinga na ufunda Baibolo aye Palesa?
Mambo ka o kyanemena kuya ku bakulumpe mu kipwilo inge anweba bene, muntu mukwabo ye mwayuka, nangwa ye mufunjisha Baibolo babena kumukatazha ku bandemona?
Diabola mukanai, ne kufwenya kwipi ne Lesa.—Ya 4:7, 8
Ñanyi bintu byafwainwa kutaya bonse bakeba Yehoba kwibazhikijila?
Palesa wafuukwilepo kuba ka?
Ñanyi bintu byo mwafwainwa kuba pa kuchinuzhuka bandemona ku mpunzha ko mwikala?