BYA BUNEME BIJI MU MAMBO A LESA | KULUPUKA 31-32

Chinainga Kupopwela Bankishi

Kyamweka bena Ijipita bo balengejile bena Isalela kutendeka kulanguluka’mba kupopwela bankishi kujitu bulongo. Lelo jino, bantu bapopwela bankishi mu mashinda apusana pusana, kabiji kyakonsha kwitukatazha bingi kwiayuka. Nangwa kya kuba kechi twakonsha kutendeka kupopwela bankishi luntunanwa ne, bino twakonsha kupopwela bankishi kupichila mu kusakasaka bya mu bwikalo byakonsha kwitulengela kubula kupopwela Yehoba na muchima yense.

Collage: Kisemi kibena kwingila mingilo. 1. Nsemi wa mulume ubena kwingila maola avula mu kibamba mo engijila mwingilo wa bukaliptentala. 2. Mwana wa mulume ubena kukaya makayo a pa tv. 3. Nsemi wamukazhi ubena kupota bintu mu shitolo.

Ñanyi bintu bya mu bwikalo byakonsha kundengela kubula kwingijila Yehoba bulongo, kabiji nakonsha kumwesha byepi amba nanemeka kwingijila Yehoba kukila bino bintu?