Bintu Bimwesha Mapesho a Yehoba

8:6-9, 12; 9:1-5, 23, 24

Yehoba walengejile mujilo kufuma mwiulu ne kusoka mulambo walambwile Alona ne baana banji bo batongwele buñanga. Kino kyamwesheshe kuba’mba Yehoba waitabizhe luno lunengezho. Kupichila mu kino kyamwekele, Yehoba watundaikilenga bena Isalela bonse bamweneko kutundaika luno lunengezho na muchima yense. Mu ano moba, Yehoba ubena kwingijisha Yesu Kilishitu aye mfumu kabiji Ñanga Mukatampe. (Heb 9:11, 12) Mu 1919, Yesu watongwele jibumba jicheche ja banabalume kwikala “kalume wa kishinka kabiji wa maana.” (Mat 24:45) Ñanyi bintu bimwesha’mba Yehoba ubena kupesha, kukwasha ne kutundaika kalume wa kishinka?

• Nangwa kya kuba kwitumanyika kubena kubayilakotu, bino kalume wa kishinka watwajijila kwitupa kajo ka kumupashi

• Byonkatu byo kyaambijilwe jimo, mambo awama abena kusapwilwa “pano pa ntanda ponse.”—Mat 24:14

Twakonsha kutundaika byepi kalume wa kishinka kabiji wa maana na muchima yense?