“Kange Mubambishenga Michima Ne”

Yehoba wakwashanga bena Isalela ba kala bajinga bayanji. Mu ñanyi mashinda Yehoba mo akwashisha bapopweshi banji bayanji lelo jino?

• Wibafunjisha kwikala na mweno yawama ya mali.—Luk 12:15; 1Ti 6:6-8

• Wibakwasha kuyuka kuba’mba nabo banema bingi kwi aye.—Yob 34:19

• Wibafunjisha kwingila na ngovu ne kuchinuzhuka byubilo byatama.—Man 14:23; 20:1; 2Ko 7:1

• Wibaleta mu kipwilo kya bwina Kilishitu muji balongo ne banyenga bemwesha butemwe.—Yoa 13:35; 1Yo 3:17, 18

• Wibapa luketekelo.—Sl 9:18; Is 65:21-23

Nangwa bwikalo bwetu bukatazhepotu byepi, kechi twafwainwa kubambishanga michima yetu ne. (Isa. 30:15) Yehoba ukatwajijila kwitupa byo tukeba inge twatwajijila na kukeba patanshi Bufumu bwanji.—Mat 6:31-33.

TAMBAI VIDYO WA KUBA’MBA BUTEMWE KECHI BUPWA NE NANGWA KYA KUBA MWI . . . BAYANJI—CONGO, APA BINO MUKUMBULE ANO MEPUZHO:

• 

  Balongo bekela kwipi na kwikela kushonkena kwa kijiiji bamwesha byepi muchima wa kutambwila benyi ku boba beya na kutanwa ku kushonkena?

• 

  Uno vidyo wamwesha byepi Yehoba byo atemwa bayanji?

• 

  Twakonsha kulondela byepi byuba Yehoba nangwa kya kuba kechi tuji na bintu byavula ne?