January 2-8
2 BAMFUMU 22-23
Lwimbo 28 ne Lulombelo
Byambo bya Kushinkwila (Mini. 1)
BYA BUNEME BIJI MU MAMBO A LESA
“Mambo ka o Twafwainwa Kwikela Bepelula”: (Mamini. 10)
Bishinka Bikwabo Byanema: (Mamini. 10)
2Mf 23:24, 25—Aba bachinchikile makatazho akonsheshe kwibalengela kukankalwa kwingijila Yehoba bulongo byo bajinga banyike bakonsha kufunjilako ka ku byaubile Yosiya? (w01 4/15 26 mafu. 3-4)
Ñanyi bishinka byo mwafunjile mu kutanga Baibolo kwa uno mulungu byaamba pe Yehoba, pa mwingilo wa kusapwila, nangwa pa bintutu bikwabo byo mukeba kwambapo?
Kutanga Baibolo: (Mamini. 4) 2Mf 23:16-25 (th lufunjisho 2)
TAIKO MUCHIMA KU MWINGILO WA KUSAPWILA
Vidyo Wamwesha bya Kwisamba na Bantu pa Kimye Kitanshi: (Mamini. 5) Mwisambo. Tambishai vidyo wamwesha Bya Kwisamba na Bantu pa Kimye Kitanshi: Lulombelo—Sl 65:2. Imikainga vidyo inge wafika pa kumwimikila ne kwipuzha luonde mepuzho aji mu vidyo.
Kimye Kitanshi: (Mamini. 3) Tendekelaipo kwisamba pa mutwe uji pa kipungu kya kuba’mba bya kwisamba na bantu. (th lufunjisho 1)
Kimye Kitanshi: (Mamini. 5) Tendekelaipo kwisamba pa mutwe uji pa kipungu kya kuba’mba bya kwisamba na bantu, ne kutendeka kufunjisha muntu Baibolo mu lufunjisho 01 mu buloshuwa wa kuba’mba Mukekala Myaka ne Myaka!. (th lufunjisho 16)
BYAFWAINWA KWIKALA BENA KILISHITU
Nanchi Musakusalapo Kwikala Betota Nyi, Inyi Bepelula? (Ya 4:6): (Mamini. 15) Mwisambo. Tambishai vidyo. Apa bino mwipuzhe luonde amba: Ñanyi lupusano luji pakachi ka kwipelula ne kwilundumika? Ñanyi bintu byo tufunjilako kwi Mosesa? Mambo ka o mwafuukwilapo kutwajijila kwikala bepelula?
Lufunjisho lwa Baibolo lwa Kipwilo: (Mamini. 30) lff lufunjisho 33
Byambo bya Kupezhako (Mamini. 3)
Lwimbo 23 ne Lulombelo