JANUARY 22-28

BYA BUNEME BIJI MU MAMBO A LESA

1. Nanchi Mwikalapo na Kimye kya Kulanguluka pa Bilengwa na Lesa Nyi?

(Mamini. 10)

Yehoba byo apwishishe kulenga ntanda waikelepo na kimye kya kulanguluka pa mingilo yanji (Nt 1:10, 12; Yob 38:5, 6; w21.08 9 jifu. 7)

Bamalaika nabo baikalangapo na kimye kya kumona bilengwa bya Yehoba (Yob 38:7; w20.08 14 jifu. 2)

Kwikalapo na kimye kya kulanguluka languluka pa bilengwa bya Yehoba kukosesha luketekelo lwetu mwi aye (Yob 38:32-35; w23.03 17 jifu. 8)

Nsemi wamukazhi ne mwanji wamukazhi mwanyike babena kutala kipupulwa pangye ya nzubo yabo.

2. Bishinka Bikwabo Byanema

(Mamini. 10)

Yob 38:8-10—Bino byepelo bitufunjishapo ka pe Yehoba byo aji mwine upana Mizhilo? (it-2 222)

Nembaipo mukumbu wenu
Ñanyi bishinka byo mwafunjile mu kutanga Baibolo kwa uno mulungu byo mukeba kwambapo?

Nembaipo mukumbu wenu

3. Kutanga Baibolo

(Mamini. 4) Yob 39:1-22 (th lufunjisho 5)

TAIKO MUCHIMA KU MWINGILO WA KUSAPWILA

4. Bya Kutendeka Mwisambo

(Mamini. 2) BUSAPWISHI BWA KUSHUKILWA. Pwishai mwisambo bulongo na muntu ye mwamona’mba kechi ubena kukeba kwisamba nenu ne (lmd lufunjisho 2 kishinka 3)

5. Pa Kubwelako

(Mamini. 5) KU NZUBO KU NZUBO. Mu mwisambo mutanshi, uno muntu wimubuujile kuba’mba wafwishishe mutemwe wanji. (lmd lufunjisho 9 kishinka 3)

6. Jashi

(Mamini. 5) lmd Bya Kulumbulula A kishinka 1—Kishina: Bintu byo Tubena Kumona Lelo ne Kutaminako kwa Byubilo bya Bantu, Bibena Kumwesha’mba Katatakatu Mpelo Ifike. (th lufunjisho 16)

BYAFWAINWA KWIKALA BENA KILISHITU

7. Kulanguluka pa Bilengwa na Lesa Kwitulengela Kubula Kwitatu Muchima Atweba Bene

(Mamini. 15) Mwisambo.

Yoba ubena kulanguluka pa bilengwa byakukumya bya Yehoba nabiji kyovwe, ñendabwala, osetelechi, kiwele, mpungu, mbili ne mboo. Mvula wa kinkunkwila ubena kwiya Elihu ne balunda ba kwa Yoba babubela basatu saka baikala pepi ne aye.

Yoba bamulukukile ku balunda nanji basatu ne kwi Satana. Yoba wateletu muchima pa makatazho o apichilengamo ne pa byo bamwendelekelenga kya nshiji.

Tangai Yoba 37:14. Apa bino mwipuzha luonde buno bwipuzho:

Yoba wafwainwe kuba byepi pa kuba’mba akoseshe lwitabilo lwanji?

Nembaipo mukumbu wenu

Inge kya kuba makatazho etupezha maana, kulanguluka pa bilengwa bya Yehoba kuketukwasha kuvuluka bulume bwanji. Kuba bino kuketulengela kutwajijila kwikala bakishinka kwi aye. Kabiji tukayuka’mba wituta bingi muchima.—Mat 6:26.

Tambishai VIDYO wa kuba’mba Byo Tufunjilako ku Buku wa Yoba—Ku Banyama. Apa bino mwipuzhe luonde amba:

Uno vidyo wakosesha byepi lwitabilo lwenu mwi Yehoba?

Nembaipo mukumbu wenu

8. Lufunjisho lwa Baibolo lwa Kipwilo

(Mamini. 30) bt kita. 4 mafu. 13-20