APRIL 29–MAY 5
SALAMO 34-35
Lwimbo 10 ne Lulombelo | Byambo bya Kushinkwila (Mini. 1)
1. “Nkamutotanga Yehoba Kimye Kyonse”
(Mamini. 10)
Davida watotanga Yehoba nangwatu kimye kyo apitanga mu makatazho (Sl 34:1; w07 3/1 22 jifu. 11)
Davida witootelanga mwi Yehoba (Sl 34:2-4; w07 3/1 22 jifu. 13)
Byambo bya kutoota Lesa byaambanga Davida byakoseshanga bakwabo (Sl 34:5; w07 3/1 23 jifu. 15)
Davida byo afumine kwi Abimeleki, banabalume 400 babujile kusekelamo mu bukalama bwa kwa Saulo bakwatankene nanji mu kiselebwa. (1Sa 22:1, 2) Kyamweka Davida walangulukilenga pa bano byo anembele uno Salamo.—Sl 34, kamutwe.
IIPUZHAI’MBA, ‘Nakonsha kutoota byepi Yehoba pa kwisamba na bakwetu pa kupwila kukalondelapo?’
2. Bishinka Bikwabo Byanema
(Mamini. 10)
Sl 35:19—Davida watazhizhe mwepi byo alombele’mba kange muswishe banshikwa “kumfyetekela jiso mu bujimbijimbi ne”? (w06 5/15 20 jifu. 2)
Ñanyi bishinka byo mwafunjile mu kutanga Baibolo kwa uno mulungu byo mukeba kwambapo?
3. Kutanga Baibolo
(Mamini. 4) Sl 34:1-22 (th lufunjisho 5)
4. Bya Kutandeka Mwisambo
(Mamini. 2) BUSAPWISHI BWA KUSHUKILWA. Mwisambo wapwa saka kumukyangye kumusapwila. (lmd lufunjisho 1 kishinka 4)
5. Pa Kubwelako
(Mamini. 4) BUSAPWISHI BWA KUSHUKILWA. (lmd lufunjisho 2 kishinka 4)
6. Kulumbulula byo Mwaitabilamo
(Mamini. 5) Kimwesho. ijwfq 59—Kishina: Bakamonyi ba kwa Yehoba Bayuka Byepi Inge Juba ja Kukokoloka Jijitu Bulongo? (th lufunjisho 17)
Lwimbo 59
7. Mashinda Asatu a Kutootelamo Yehoba pa Kupwila
(Mamini. 15) Mwisambo.
Kimye kya kupwila ke kimye kyawama bingi kutootelamo Yehoba. Ano o mashinda asatu akonsha kwimukwasha bingi.
Misambo: Ambainga pa buwame bwa Yehoba pa kwisamba na bakwenu. (Sl 145:1, 7) Nanchi mwatangilepo nangwa kumvwa kishinka kimufikile bingi pa muchima nyi? Nanchi kujipo kintu kyawama kyamwekele mu mwingilo wa kusapwila nyi? Nanchi kujipo baambile byambo nangwa baubile bintu bimutundaikile bingi nyi? Nanchi mwamwenepo kilengwa na Lesa kimukumishe bingi nyi? Abino byonse ke bintu byawama bifuma kwi Yehoba. (Ya 1:17) Fikainga bukiji pa kupwila pa kuba’mba mwikalengapo na kimye kya kwisamba na bakwenu.
Kukumbulapo: Ibikaingako kukumbulapo nangwatu jimo pa kupwila. (Sl 26:12) Mwakonsha kukumbula mu kushinkamika nangwa mukumbu wa kusunsapo, kwamba pa kinembelo, pa kipikichala, nangwa byo mwakonsha kwingijisha kyokyo kishinka. Mwafwainwa kunengezha mikumbu yavula mambo bavula bakasuntula maboko pa kimye kyo mukakebanga kukumbulapo. Tukapananga “kwi Lesa bitapisho bya kumutota” inge ke tukumbule mikumbu ipi, ya masekondi 30 ne kubwela panshi.—Heb 13:15.
Kwimba: Imbainga nyimbo ya Bufumu na kizaku. (Sl 147:1) Inge muji mu kipwilo muji bantu bavula, kechi mwakonsha kukumbula pa kupwila konse ne, bino kimye kyonse kyo mwaya na kupwila mwakonsha kwimbila pamo na bakwenu. Nangwa kya kuba mulanguluka’mba kechi mwimba bulongo ne, kwibikako kwenu kutokesha Yehoba ku muchima. (2Ko 8:12) Mwafwainwa kupitulukilamo jimo ku nzubo mu nyimbo yo mukemba pa kupwila.
Tambishai VIDYO wa kuba’mba Kufuma Kala Kufika ne Luno—Bupe bwa Kwimba Lubaji 1. Apa bino mwipuzhe luonde amba:
Kimye kyatendekele jibumba ja Lesa jijiko mu ano moba, twamwesheshe byepi byo twanemeka kwimba nyimbo ya kutota Yehoba?