MAY 6-12

BYA BUNEME BIJI MU MAMBO A LESA

1. ‘Kange Uzhingile na Mambo a Bantu Babi Ne’

(Mamini. 10)

Bantu babi betulengela kumanama (Sl 36:1-4; w17.04 10 jifu. 4)

Kuzhingijila bantu babi kwituletela ne atweba bene lukatazho (Sl 37:1, 7, 8; w22.06 10 jifu. 10)

Kuketekela mu milaye ya Yehoba kwitulengela kwikala na mutende (Sl 37:10, 11; w03 12/1 13 jifu. 20)

Nyenga waumvwa moyo pa kutanga pa foni pa bibena kumweka. Wamona bipikichala bya biombe bya bantu bazhingila babena kuba biwowo ne konauna bintu, kapokola ubena kutambula mazhikakanwa, bashilikale babena kuloza mata, mwanamulume uji na buta mo bemika myotoka, bantu babena kupukula bipe, malwañano, ne bantu babena kukwasha baji mu mapuso a motoka.

IIPUZHAI’MBA, ‘Nanchi ntesha muchima ku byambo bya pa mwela bya bintu byatama bibena kuba babi nyi?’

2. Bishinka Bikwabo Byanema

(Mamini. 10)

Sl 36:6—Nyimbi wa masalamo walumbulwilenga ka byo aesakenye bololoke bwa Yehoba ku “mitumba ikatampe” [nangwa, “nobe mitumba ya Lesa,” tubyambo twa munshi]”? (it-2 445)

Nembaipo mukumbu wenu
Ñanyi bishinka byo mwafunjile mu kutanga Baibolo kwa uno mulungu byo mukeba kwambapo?

Nembaipo mukumbu wenu

3. Kutanga Baibolo

(Mamini. 4) Sl 37:1-26 (th lufunjisho 10)

TAIKO MUCHIMA KU MWINGILO WA KUSAPWILA

4. Bya Kutendeka Mwisambo

(Mamini. 3) KU NZUBO KU NZUBO. (lmd lufunjisho 1 kishinka 5)

5. Pa Kubwelako

(Mamini. 4) BUSAPWISHI BWA KUSHUKILWA. Mubuulai pa lunengezho lwa kutendeka kumufunjisha Baibolo. (lmd lufunjisho 9 kishinka 4)

6. Jashi

(Mamini. 5) ijwbv 45—Kishina: Nga Kinembelo kya Salamo 37:4 Kyatala Mwepi? (th lufunjisho 13)

BYAFWAINWA KWIKALA BENA KILISHITU

7. Nanchi Mwinengezhezha Jimo ku “Bimye bya Malwa” Nyi?

(Mamini. 15) Mwisambo.

Balongo ne banyenga mwaya ntanda yonse babena kuyanda na mambo a bya malwa biponakotu bine ne bileta bantu. (Sl 9:9, 10) “Bimye bya malwa” byakonsha kwitufikila atweba bonse. Onkao mambo, twafwainwa kwinengezhezha jimo ku bintu bya uno mutundu.

Kununga pa kunengezhezha jimo bintu bikebewa ku mubiji,a twakonsha kuba byepi pa kuba’mba tuchinchike inge kwamweka kya malwa?

Nengezhai milanguluko yenu: Yukai amba bya malwa byakonsha kwimufikila, langulukilai jimo pa byo mwafwainwa kuba inge byamweka. Kange mwikale na muchima wa kutemwisha bipe byenu ne. Kuba bino kukemukwasha kuta muchima pa kupulusha bumi bwenu ne bwa bakwenu, kechi bintu byenu ne. (Nt 19:16; SI 36:9) Kabiji kechi mukakizhamo kwikala na bijikila inge kwamweka kya malwa, nangwa inge bintu byenu byaonaika ne.—SI 37:19
Koseshai bulunda bwenu ne Yehoba: Shiinwai kuba’mba Yehoba uji na bulume bwa kwimukwasha kabiji ukebesha bingi kwimukwasha. (SI 37:18) Bya malwa saka bikyangye kumweka, vulukainga kimye kyonse amba Yehoba utangijila ne kukwasha bakalume banji nangwa kya kuba bapulushakotu bumi bwabo ‘nobe kintu kyo bapukula.’—Ye 45:5; Sl 37:23, 24

Inge twashiinwa kuba’mba Yehoba ukafikizha milaye yanji, ukekala ‘nsakwa yetu mu kimye kya bya malwa.’—SI 37:39.

Bipikichala byafuma mu vidyo wa kuba’mba “Nanchi Mwinengezha ku bya Malwa Nyi?” 1. Mulongo ubena kutanga Baibolo. 2. Manyaki a kinkunkwila kya Tsunami. 3. Mvula wa kinkunkwila wafinda. 4. Bantu bayujilwamo basenda bipe byabo saka babena kukubula mu mema.

Tambishai VIDYO wa kuba’mba Nanchi Mwinengezha ku bya Malwa Nyi? Apa bino mwipuzhe luonde amba:

Yehoba wakonsha kwimukwasha byepi mu kimye kya bya malwa?

Nembaipo mukumbu wenu
Ñanyi bintu byo twafwainwa kuba pa kuba’mba twinengezhe ku bya malwa?

Nembaipo mukumbu wenu
Twakonsha kukwasha byepi bakwetu baponenwa na bya malwa?

Nembaipo mukumbu wenu

8. Lufunjisho lwa Baibolo lwa Kipwilo

(Mamini. 30) bt kita. 9 mafu. 8-16

Byambo bya Kupezhako (Mamini. 3) | Lwimbo 57 ne Lulombelo

a Monai Labainga! Na. 5 2017, mapa 4-6.